Blyderivier

Die Blyderivier (of Motlatserivier, wat beteken "permanente rivier", of Umdhlazi-rivier), is 'n rivier in die Mpumalanga en Limpopoprovinsies van Suid-Afrika. Dit vloei in 'n noordelike rigting deur steil valleie en klowe van die Drakensberg in Mpumalanga, voordat dit die Laeveld bereik in die Limpopoprovinsie. Dit het sy oorsprong op ongeveer 2000 m hoogte in die Hartebeesvlakte bewaringsgebied, ten noorde van die Long Tompas.

Blyderivier
Die Blyderivier vloei deur 'n kloof van sandsteen. Die Blyderivier vloei deur 'n kloof van sandsteen.
Stroomgebied	Mpumalanga en Limpopo
Oorsprong	Hartebeesvlakte
Sytak -links	Treurrivier
Sytak -regs	Ohrigstadrivier (vloei in dam in)
Monding	Olifantsrivier
Oorsprong-hoogte	2 000 m
Blyderivier
Koördinate: 24°15′17″S 30°49′47″O

Die Blyderivier en die Ohrigstadrivier se water vloei altwee in die Blyderivierspoortdam in.

Oorsprong van die rivier se naam

Kommandant Andries Hendrik Potgieter het in 1844 'n ekspedisie onderneem om die moontlikheid van 'n handelsroete na Delagoabaai (tans Maputobaai) te ondersoek. Die waens kon nie die steil klowe na die laeveld afgaan nie, en is agtergelaat. Potgieter is alleen met 'n groep ruiters verder. Hulle het so lank weggebly dat die mense by die waens gevrees het dat hulle omgekom het. Die riviertjie by die kamp is toe die Treurrivier genoem, en die terugtog is aangepak. Na 'n paar dae het Potgieter en sy ruiters die waens ingehaal. Daar was groot blydskap en die rivier langs die uitspanning het die naam Blyderivier gekry.

Sytakke

• Lisbonrivier
• Molototsirivier
• Ohrigstadrivier
• Sandspruit
• Nwanawayingwe
• Mapalagele
• Ga-Nogakgolo
• Kadisi
• Treurrivier, wat by Bourke's Luck by die Blyde aansluit.

Sien ook

• Blyderivierspoort
• Blyderivierspoortdam

Eksterne skakels

• Wikimedia Commons het meer media in die kategorie Blyderivier.