Wikipedia

Boeing KC-135 Stratotenker

Die Boeing KC-135 Stratotenker is 'n militêre lughervullingsvliegtuig. Hierdie vliegtuig is soos die Boeing 707 uit die Boeing 367-80 prototipe ontwikkel. Die KC-135 is die Amerikaanse Lugmag (USAF) se eerste straalaangedrewe hervullingstenker en het die KC-97 Strato Freighter vervang. Die KC-135 se taak was aanvanklik om strategiese bomwerpers in vlug te hervul, maar is op groot skaal in die Viëtnamoorlog en latere konflikte soos Operasie Desert Storm gebruik om die omvang en uithouvermoë van die Amerikaanse taktiese vegvliegtuie en bomwerpers uit te brei.

KC-135 Stratotenker
F-15C Eagle from the 67th Fighter Squadron at Kadena AB is refueled by a KC-135R Stratotanker from the 909th Air Refueling Squadron .jpg
' 'n KC-135R Stratotenker hervul 'n F-15 Eagle
Tipe In-vlug hervul en transport
Vervaardiger Boeing Defense, Space & Security
Nooiensvlug 31 Augustus 1956
Vrygestel 1 Junie 1957
Status In gebruik
Hoofgebruikers Amerikaanse Lugmag
Franse Lugmag
Chileense Lugmag
Turkse Lugmag
Vervaardig 1955–1965
Aantal gebou 803
Programkoste VS$66.7 miljard
Eenheidskoste VS$39.6 miljoen (1998)
Ontwikkel van Boeing 367-80
Weergawes Boeing NC-135

Die KC-135 is in 1957 in die Amerikaanse Lugmag ingebruik geneem; dit is een van slegs ses militêre vastevlerkvliegtuie met meer as 50 jaar aaneenlopende diens by sy oorspronklike operateur. Die KC-135 word aangevul deur die groter KC-10. Ten spyte van verhoogde onderhoudskoste, bewys studies dat die vliegtuig tot in 2040 gevlieg kan word. Die vliegtuig sal uiteindelik vervang word deur die Boeing KC-46 Pegasus.

VerwysingsWysig

  • Hopkins, III, Robert S. (1997). Boeing KC-135 Stratotanker: More Than Just a Tanker. Leicester, Engeland: Midland Publishing Limited. ISBN 1-85780-069-9.
  • Pither, Tony (1998). The Boeing 707 720 and C-135. Tunbridge Wells, Engeland: Air-Britain (Historians) Ltd. ISBN 0-85130-236-X.

Eksterne skakelsWysig

Ontsluit van "https://af.wikipedia.org/w/index.php?title=Boeing_KC-135_Stratotenker&oldid=2471689"