Bok, bok, staan styf

Bok, bok, staan styf is 'n speletjie wat deur kinders gespeel word. Die deelnemers tree in 'n ry agter mekaar aan. Die voorste deelnemer buk vooroor en plaas sy hande op die grond voor hom (die eerste bok wat styf staan). Die deelnemer agter hom kom dan aangehardloop, druk met sy hande op sy maatjie se rug en spring wydsbeen oor. Na die sprong word daar ook vooroor gebuk (die tweede bok). Die volgende deelnemer spring dan oor beide en so voorts totdat almal gebuk staan. Die agterste een spring dan op en herhaal die proses. Die spel hou so aan totdat almal moeg is.

Skoolkinders speel bok-bok.

Sien ook

• Lys van kinderspeletjies