Bolvormige boeg
Onderwater gedeelte van die boeg.
'n Bolvormige boeg (Eng. bulbous bow) is 'n boeg wat uitsteek by die voorkant van 'n skip net onder die waterlyn. Die boeg verander die manier waarop die water om die romp vloei, wat weerstand verminder en sodoende spoed, reikafstand, brandstofdoeltreffendheid en stabiliteit verhoog. Groot skepe met bolvormige boë het gewoonlik twaalf tot vyftien persent beter brandstofdoeltreffendheid as soortgelyke vaartuie daarsonder. 'n Bolvormige boeg verhoog ook die dryfvermoë van die voorste deel en verbeter dus die bestendigheid van die skip tot 'n klein mate.
