Briefprikker
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
'n Briefprikker, briefpriem of papierpriem is 'n draadpen waardeur papier gesteek kan word. Die pen is sowat 15-20 cm lank en is dikwels aan 'n ronde staander vas. Dit kan gebruik word om kwitansies, briewe of notas in te ryg. Die gat in 'n papier was voorheen dikwels 'n aanduiding dat 'n dokument klaar gelees, nagesien of afgehandel is.
Die briefprikker het verhoed dat papierwerk deur 'n briesie of trek in die kantoor rondgewaai word, nog lank voor lugreëling. Sodra dit vol geraak het, kon die papier deur 'n tou saamgebind word en na die argief geneem word. Baie briefprieme het vandag 'n doppie om beserings te voorkom. Baie vroeë staanders was pragtig versier.