Britse korthaarkat
Die Britse korthaarkat (Engels: British Shorthair) is ’n katras. Dit is sedert 2001 die gewildste ras wat deur Brittanje se Governing Council of the Cat Fancy (GCCF) geregistreer is toe dit die Persiese kat verbygesteek het.[1]
| Britse korthaarkat | ||||
| ||||
| Land | Brittanje | |||
| Ontstaan | Natuurlik | |||
| Pels | Kort | |||
| Patroon | Alle | |||
| Wetenskaplike naam | ||||
| Felis catus (huiskat) | ||||
| ||||
Geskiedenis
wysigBritse korthaarkatte is afstammelinge van katte wat deur die Romeine na Brittanje gebring is en daar met wilde katte gemeng het.[2][3][4] Hulle is later met Persiese katte gekruisteel om die pels digter te maak. Die katte is in 1871 reeds geskou.[2] Teen die 1940's het die katte se gewildheid afgeneem, maar ná die Tweede Wêreldoorlog het teelprogramme toegeneem en die katte is nou weer baie gewild.[2]
Beskrywing
wysigDie Britse korthaarkat het ’n digte pels en groot, ronde oë wat verskillende kleure kan hê. Hul koppe is rond en die lywe sterk en stewig. Hulle het ’n breë bors, skouers en heupe en kort bene. Die sterte eindig in ’n stomp punt en moenie te wollerig wees nie.[5] Die mannetjies is merkbaar groter as die wyfies. Hulle weeg sowat 5-10 kg, terwyl ’n wyfie sowat 5–7 kg weeg. Soos by baie rasse kan die mannetjie ’n breë kakebeen hê wat hom van ’n wyfie onderskei.
Hul pels kan baie kleure en patrone hê. Jare lank was die blou-grys pels baie gewild en het dié katte selfs hul eie teelnaam, die Britse bloukat, gehad. Daar is egter nou ’n wye verskeidenheid kleure, van swart tot wit, van room tot sjokoladebruin, van lila tot kaneel. Daar is ook kleurpunt-, gestreepte, getinte en tweekleurige katte. Al die kleure en patrone kan ook ’n skilpaddop-patroon hê: ’n kombinasie van rooi, room en ander kleure.[6]
Britse korthaarkatte is verdraagsaam en stabiel en kan maklik binnenshuis aangehou word. Hulle soek nie baie aandag nie en is nie hiperaktief nie. Hulle is geneig om hul eienaars in die huis rond te volg en sal eerder naby jou sit as op jou skoot. Hulle sal ook eerder op die grond gevryf as opgetel word.
Galery
wysig-
’n Britse korthaarkat met klassieke strepe. -
’n Vaalbruin-en-wit tweekleurige kat. -
Tradisionele blou in die nuwer tweekleurige patroon. -
’n Dowwe-skilpaddop-en-wit kat. -
’n Jong blou Britse korthaarkat se oë kry die koperkleur wat tipies is van katte met ’n "blou" pels.
Sien ook
wysigVerwysings
wysig- ↑ "Analysis of Breeds Registered by the GCCF" (in Engels). Governing Council of the Cat Fancy. Geargiveer vanaf die oorspronklike op 10 Oktober 2011. Besoek op 1 Januarie 2008.
- ↑ 2,0 2,1 2,2 "British Shorthair Breed Profile" (in Engels). TheCatSite. Geargiveer vanaf die oorspronklike op 17 Oktober 2011. Besoek op 31 Augustus 2006.
- ↑ "Breed Profile: British Shorthair" (in Engels). Cat Fanciers' Association. Geargiveer vanaf die oorspronklike op 29 Oktober 2012. Besoek op 14 Augustus 2011.
- ↑ "British Shorthair" (in Engels). Waratah National Cat Alliance. Geargiveer vanaf die oorspronklike op 18 Februarie 2011. Besoek op 18 Junie 2009.
- ↑ "British Shorthair: Cat Breed FAQ" (in Engels). Cat Fanciers. Geargiveer vanaf die oorspronklike op 20 Oktober 2019. Besoek op 28 Julie 2006.
- ↑ "Breed Standard: British Shorthair" (PDF). Cat Fanciers' Association. Geargiveer vanaf die oorspronklike (PDF) op 4 April 2012. Besoek op 14 Augustus 2011.
Eksterne skakels
wysig- Suider-Afrikaanse standaarde Geargiveer 7 Mei 2013 op Wayback Machine
- Video Youtube British Shorthair
- Alles oor die blou Britse korthaarkat Geargiveer 29 November 2017 op Wayback Machine
Wikimedia Commons het meer media in die kategorie Britse korthaarkat.
Hierdie artikel is vertaal uit die Engelse Wikipedia
