Asiatiese kat
Die Asiatiese kat (Engels: Asian), ook bekend as die Maleise kat (Malayan), is ’n kortharige katras soortgelyk aan die Birmaanse kat, maar met meer kleure en patrone.
| Asiatiese kat | ||||
| ||||
| Alternatiewe naam | Maleise kat | |||
| Land | Brittanje | |||
| Ontstaan | Kruisras | |||
| Soort lyf | Gemiddeld | |||
| Pels | Kort | |||
| Patroon | Effekleurig, gestreep, gerook, getint | |||
| Wetenskaplike naam | ||||
| Felis catus (huiskat) | ||||
| ||||
Die ras is in die 1980's begin teel. Die kat is van gemiddelde bou, met ’n gespierde, kompakte lyf met baie min vet. Die bors is breed en rond en die bene slank. Die stert is van gemiddelde lengte en die oë geel.
Die kort pels is sag en blink. Daar is vier verskillende groepe: effekleure (insluitende die Bombaaikat, wat ’n swart Asiatiese kat is), gestreep, rookkleur en getint. Laasgenoemde word deur die Fédération Internationale Féline as ’n aparte ras, die Burmilla, geklassifiseer.
Sy geaardheid is baie soos dié van die Birmaanse kat, een van die rasse wat gebruik is om die kat te teel. Hulle is intelligent, sosiaal en vriendelik met mense.
Asiatiese halflanghaarkat
wysig
Daar is ook ’n Asiatiese halflanghaarkat, wat soms die Tiffany genoem word. Dieselfde kleure word toegelaat as by die Asiatiese en die Birmaanse kat. Hulle is baie skaars en word in Brittanje erken, maar nie in Amerika nie.
Sien ook
wysigEksterne skakels
wysig- Suider-Afrikaanse standaarde[dooie skakel]
- Bombay and Asian Self Breed Club[dooie skakel]
- Asiatiese Katvereniging
Wikimedia Commons het meer media in die kategorie Asiatiese kat.
Hierdie artikel is vertaal uit die Engelse Wikipedia
