Carlson-tweeling

Kyle en Lane Carlson, gesamentlik bekend as die Carlson-tweeling, is identiese tweelingbroers wat saam as manlike mannekyne werk.

Kyle en Lane Carlson
Gebore24 Desember 1978
Stillwater, Minnesota, Verenigde State

Lewensgeskiedenis wysig

Die tweeling is op 24 Desember 1978 in Stillwater, Minnesota, Verenigde State van Amerika, gebore. Lane is die oudste, daar hy ses minute voor Kyle die lewe geskenk is. Die Carlson-tweeling het saam met hul twee ouer sibbe, Aaron en Michelle (‘Mich’) en ’n jonger suster, Lynnaya, grootgeword. Hulle het skoolgegaan by Stillwater High School en albei het by Winona State University gegradueer.

Hul modelloopbaan het begin toe Lane binne ’n winkelsentrum in La Crosse, Wisconsin, opgemerk is,[1] en het sedertdien wêreldwyd suksesvolle modelle geword. Soos die Brewer-tweeling, het die Carlsons beroemd geword ná hul optrede as naakmodelle vir die fotograaf, Bruce Weber. Hulle het vir maatskappye soos Armani, Abercrombie and Fitch en die Out-tydskrif gewerk en is ook bekend vir hul werk by die Spring Break 2001-uitgawe van die tans gestaakte Abercrombie and Fitch A&F Quaterly-katalogus. Beide is onderkleremodelle en Kyle is een van die modelle wat die meeste vir Calvin Klein-onderklere ingespan word.

In 2005 het hulle as gaste in die beeldradioblyspel, Mobile Home Disaster op die WB Television Network verskyn.

In 2007 het Kyle gereeld op die televisieprogram Deserving Design saam met Vern Yip op HGTV verskyn, besig met skrynwerk.

Verwysings wysig

  1. "The Carlson Twins – about us". Amptelike webwerf van die Carlson-tweeling (in Engels). Geargiveer vanaf die oorspronklike op 9 Mei 2008. Besoek op 20 November 2008.

Eksterne skakels wysig