Champagne Castle is 'n bergpiek in die Sentrale Drakensberge in KwaZulu-Natal, Suid-Afrika.[1] Dit is die tweede hoogste bergpiek in Suid-Afrika. Om dit lê ander pieke, waaronder Cathkinpiek (3149 m), Sterkhorn (voorheen bekend as Mount Memory), Monk's Cowl en Dragon's Back.

Champagne Castle
Cathkinpiek voor met Champagne Castle links agter in wolke bedek.
Cathkinpiek voor met Champagne Castle links agter in wolke bedek.
Ligging KwaZulu-Natal, Suid-Afrika
Hoogte 3377 meter
Reeks Drakensberge
Koördinate 29°04′53″S 29°19′41″O / 29.08139°S 29.32806°O / -29.08139; 29.32806Koördinate: 29°04′53″S 29°19′41″O / 29.08139°S 29.32806°O / -29.08139; 29.32806
Eerste bestyging Vroeë 20ste eeu
Eerste bestyger(s) Ds. Stocker
Maklikste roete Stap
Ligging van Champagne Castle op 'n kaart (Suid-Afrika)
Champagne Castle
Champagne Castle
Die Champagne Castle-bergreeks vanaf die suide.

Volgens oorlewering het twee onverskrokke bergklimmers, David Gray en Major Grantham, die piek direk aan die voorkant van Cathkin af uitgeklim. Toe hulle hul oorwinning wou vier, val die bottel sjampanje op 'n rots en is die berg terstond Champagne Castle gedoop.

Cathkinpiek het sy naam aan 'n immigrant van Lanarkshire, Stephan Snyman, te danke. Snyman het die piek na 'n koppie in Glasgow, genaamd Cathkin Braes, genoem.[2]

Die Champagne Castle-hotel bied 'n praguitsig oor die bergpiek. Op die perseel is rondawels wat in 1941 deur Italiaanse krygsgevangenes gebou is. Staproetes kan 'n entjie verder in die pad af, by Monk's Cowl, aangedurf word.

Sien ookWysig

VerwysingsWysig

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Dodds, David A. (1975). A Cradle of Rivers, The Natal Drakensberg. Cape Town: Centaur. p. 43. ISBN 0-908379-43-9.