Charles Neidich
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Charles Neidich (gebore in 1953) is 'n Amerikaanse klassiek klarinettis, komponis en dirigent.
Charles Neidich | |
|---|---|
| Genres | Klassieke musiek |
| Beroep(e) | klarinetspeler, dirigent, professor |
| Instrumente | Klarinet |
| Webwerf | https://www.charlesneidich.net/ |
Vroeë loopbaan
wysigCharles Neidich is 'n boorling van New York en van Russiese en Griekse afkoms. Hy het op agtjarige ouderdom met klarinet-studies onder sy vader, Irving Neidich, begin, en sy studies voortgesit onder die bekende onderwyser Leon Russianoff en later in Moskou onder Boris Dikov. Sy reputasie het geleidelik gegroei sedert sy New Yorkse buiging in 1974 (terwyl hy steeds 'n student was aan die Yale-universiteit). 'n Reeks toekennings het daartoe bygedra om sy loopbaan 'n hupstoot te gee naamlik, 'n silwer medalje tydens die 1979 Genève Internasionale Musiekkompetisie, tweede prys tydens die Münchense Internasionale Kompetisie in 1982, en een van drie groot pryse tydens die Accanthes Internasionale Kompetisie van 1984 in Parys. In 1985 het hy die eerste groot klarinetkompetisie in die Verenigde State gewen (die Walter W. Naumburg-kompetisie) wat hom as solis bekendheid laat verwerf het.
Prestasies
wysigNeidich het 'n invloedryke rol in die herstel van oorspronklike weergawes van werke en die openbare uitvoering daarvan gespeel. 'n Lys van die klassieke klarinetstukke wat in hul oorspronklike vorm deur hom herstel is sluit werke so uiteenlopend soos die Klarinetconcerto van Mozart, die concertos van Weber en Copland, die Soireestücke van Schumann, en die Andante en Allegro van Ernest Chausson, in. Neidich is 'n ywerige ondersteuner van nuwe musiek en het die eerste uitvoerings van die werke van Milton Babbitt, Elliott Carter, Edison Denisov, Helmut Lachenmann, William Schuman, Ralph Shapey, Joan Tower, Katia Tchemberdji, Vasilii Lobanov en andere gespeel. Hy is 'n voorstander van John Corigliano se Concerto en het die werk oral in die Verenigde State opgevoer, vernaam saam met die Syracuse Simfonieorkes en Jacksonville Simfonieorkes. Neidich het talle opnames op sowel moderne as historiese instrumente gemaak; beide as solis, en saam met sy blaasensemble Mozzafiato op historiese (periode) instrumente.
Neidich het sy aandag hierna op dirigeer gevestig en saam met die Avanti-kamerorkes, Tapiola Sinfonietta (Helsinki) en die San Diego Simfonieorkes (in 'n drieledige rol as dirigent, solis en komponis) verskyn. Hy het ook verskyn tydens die Kirishima-fees in Japan en in Bulgarye saam met die Plovdiv Staat-filharmoniese orkes.
Hy was vanaf 1985 tot 1989 professor in klarinet aan die Eastman Musiekskool, en is tans verbonde aan die fakulteite van die Juilliard-skool, Manhattan Musiekskool, Mannes-kollege en die City University of New York, Queens College.
Verwysings
wysig- Charles Neidich, Performing Artist in Residence SUNY Stony Brook Opgespoor op 30 Desember 2007
- Faculty Bio - Mr. Charles Neidich Manhattan School of Music, Opgespoor op 1 Januarie 2008