Chhattisgarhi (छत्तीसगढ़ी, छत्तिसगढ़ी , ଛତିଶଗଡ଼ି), ook Laria of Loriya genoem, is 'n Indo-Ariese taal wat deur sowat 18 miljoen mense in die Indiese deelstaat Chhattisgarh gebesig word. Dit is nou verwant aan Awadhi, Bagheli en Oriya. Die taal word met die Devanagari-alfabet geskryf, maar soms word ook die Oriya-alfabet gebruik.

Chhattisgarhi
छत्तीसगढ़ी, छत्तिसगढ़ी , ଛତିଶଗଡ଼ି
Gepraat in: Vlag van Indië Indië 
Gebied: Suid-Asië
Totale sprekers: 18 miljoen[1]
Taalfamilie: Indo-Europees
 Indo-Irannees
  Indo-Aries
   Sentraal-Indo-Aries
    Chhattisgarhi 
Skrifstelsel: Devanagari, Oriya-alfabet 
Amptelike status
Amptelike taal in: Vlag van Indië Indië
Gereguleer deur: geen
Taalkodes
ISO 639-1: geen
ISO 639-2:
ISO 639-3: either:
hne – Chhattisgarhi
sgj – Surgujia

Chhattisgarhi is voorheen deur naburige bergbewoners Khaltahi en deur mense in die aangrensende gebiede van Orissa Loriya genoem. Die moedertaalsprekers bly veral in die deelstaat Chhattisgarh en aangrensende gebiede van Madhya Pradesh, Orissa en Jharkhand. Chhattisgarhi se kulturele en politieke bewegings, wat in die 1920's ontstaan het, het Chhattisgarhi se taalkundige en kulturele identiteit beweer en vir groter outonomie binne Indië gepleit. Op 1 November 2000 is uit 16 distrikte van die deelstaat Madhya Pradesh die deelstaat Chhattisgarh gestig, waar Chhattisgarhi as 'n ampstaal dien.

VerwysingsWysig

  1. (en) "Scheduled Languages in descending order of speaker's strength – 2011" (PDF). Registrateur-generaal en sensuskommissaris van Indië. 29 Junie 2018. Besoek op 7 Julie 2018.