Chishimba-watervalle
Die Chishimba-watervalle (soms Chisimba) is 33 km noordwes van Kasama in die Kasama-distrik in die noorde van Zambië.
In net meer as 300 m is daar in die Luomberivier, 'n sytak van die Lukulurivier, twee watervalle en twee behoorlike katarakte. Hulle lê op 'n hoogte van 1318 m bo seevlak by die koördinate 10°6′30″S 30°55′3″O / 10.10833°S 30.91750°O.
Die boonste stroomversnelling is bekend as die Chipondo. Net stroomaf is die Mutumena-waterval met 'n hoogte van 20 m. Daarna kom die Kaelo-katarak waartydens die rivierbeddding 10 m aan hoogte verloor. Die Chishimba-waterval is 'n 30 m hoog.
Op die rivieroewer is 'n klein reënwoud te danke aan die sproeinewel van die valle. By die watervalle is 'n hidroëlektriese kragsentrale. Net suidoos van die valle is die Chilubula-sendingstasie van die White Fathers.
Omdat dit moeilik bereikbaar is, word die watervalle min besoek. Daar is 'n kampeerterrein en 'n voetslaanpad. Die valle is in 1949 tot natuurmonument verklaar.
Bibliografie
wysig- https://luangwablondes.webs.com/waterfallsofzambia.htm
- rovos.com
- zambiatourism.com