Chris Pappas
Christopher John Pappas (26 Augustus 1991[1] Pietermaritzburg[2] -) is 'n Suid-Afrikaanse politikus. Hy is (in 2023) die huidige burgemeester van die uMngeni-munisipaliteit in KwaZulu-Natal. Sedert begin September 2023 is hy die DA se kandidaat vir die premierskap van KZN.[3]
Hy is in Pietermaritzburg gebore. Hy het saam met sy ouers en jonger suster in Mooirivier op 'n plaas grootgeword. Hy het die Treverton Prep-skool bygewoon en in 2009 aan Hilton College gematrikuleer.[2] Hy is vlot in Zoeloe.
Studie
wysigHy aan die Universiteit van Pretoria (UP) gestudeer, waar hy in Stads- en Streekbeplanning gegradueer het. Chris het by die UP by die politiek betrokke geraak. Hy het eers by die Congress of the People (COPE) aangesluit en is as lid van Akademiese Sake tot die Studenteraad (VSR) verkies.[2]
Chris het sy eerste voltydse werk as 'n gegradueerde in 2013 verkry. Hy was in diens as 'n Ontwikkelingsekonoom, waar hy hoofsaaklik aan sosio-ekonomiese impakstudies vir Onafhanklike Kragprodusente gewerk het.
Die DA
wysigDie Demokratiese Alliansie in KwaZulu-Natal het Chris 'n pos as ondersteuningspersoneellid aangebied indie Durban-Suid area (Chatsworth tot uMkomaas). Hy het later as kandidaat vir die Musgrave-, Overport- en Sydenham-gebied op Durban se Berea gestaan. Chris is met welslae as die jongste wyksraadslid destyds in eThekwini verkies. Tydens sy raadslidskap in eThekwini is Chris verkies as die voorsitter van die DA se Sentraal-Durban-kiesafdeling. Hy was ook aan die hoof van die 2019-verkiesingsveldtog vir die metro, wat die enigste metro was waar die DA sy kiesersaandeel vergroot het.[2]
Chris is tans die DA se Adjunkleier in KwaZulu-Natal. In 2019 is Chris verkies as die jongste lid van die KwaZulu-Natalse Parlement waar hy tot 2021 gedien het. Hy het eers op die Landbouportefeuljekomitee gedien en later op die Samewerkende Regering en Tradisionele Sake-portefeulje gedien.[2]
Burgemeester
wysigIn 2021 is hy as die eerste DA-burgemeester in KwaZulu-Natal verkies. Hy was deel van die span wat die uMngeni-munisipaliteit van die ANC afgeneem het met 'n strokie van 42 stemme wat die DA 'n een-setel meerderheid in die raad gegee het. In 2022 is Chris deur die US Statement Department genooi as een van 6 burgemeesters om deel te neem aan 'n Internasionale Leierskapsprogram wat daarop gemik is om demokrasie te versterk, menseregte te bevorder en korrupsie te beveg.[2] Hy het as burgemeester vinnig ontdek dat daar gemors met geld gewees het en maatreels geneem om dit reg te stel.[4]
Sy opposisie teen Ramaphosa
wysigHy het verklaar dat hy ten sterkste die verdediging van mnr Cyril Ramaphosa verwerp omdat dit 'n defaitistiese uitkyk verteenwoordig en die fondamente van demokrasie erodeer. Demokrasie verteenwoordig volgens Pappas aanspreeklikheid. Die tweede probleem wat hy met Ramaphosa se stelling het, is dat hy deel is van 'n kollektief. Hy het by baie geleenthede erken dat hy die optrede van die kollektief verdedig. En in baie gevalle het hulle gesê hulle sal die kollektief voor die belange van die land stel. Volgens Pappas moet jy ook aanvaar dat mnr Ramaphosa, as deel van die kollektief, deel van die probleem is, as jy glo dat die ANC 'n probleem in die land is en jy glo dat hulle die oorsaak van die probleme is.[5]
Verwysings
wysig- ↑ "Christopher John Pappas". People's Assembly.
- ↑ 2,0 2,1 2,2 2,3 2,4 2,5 "Network of Young Decisionmakers". Club de Madrid.
- ↑ "uMngeni-mayor Chris Pappas to be named as DA premier candidate in Kwazulu-Natal". Mail&Guardian.
- ↑ Thami Magubane (26 Junie 2023). "Mayor Chris Pappas speaks on clean-up within uMngeni Municipality". IOL.
{{cite web}}: AS1-onderhoud: gebruik authors-parameter (link) - ↑ "How Chris Pappas turned uMngeni around". BizNews.