Christelike kruis
Die Christelike kruis, wat beskou word as verteenwoordigend van die kruisiging van Jesus aan 'n groot houtkruis, is 'n bekende simbool van die Christendom.[1] Dit hou verband met die krusifiks of kruisbeeld ('n kruis wat 'n liggaam, gewoonlik dié van Jesus, bevat) en die meer algemene kruissimbole, wat in baie tale nie noodwendig met die kruisiging verband hou nie.
Die basiese vorms van die kruis is die Latynse kruis, met oneweredige arms, en die Griekse kruis, met ewe lang arms, benewens ander soorte kruise soos die Russies-Ortodokse kruis met drie dwarsbalke, waaronder 'n skuins voetstuk.
'n Paar eeue lank was die embleem van Christus 'n koplose, T-vormige kruis, eerder as 'n Latynse kruis. Elworthy beskou dit as oorspronklik 'n heidense Druïdiese kruis – hulle het kruise van eikebome gemaak waarvan die takke afgestroop is, met twee stukke bo vasgemaak wat 'n man se arm verteenwoordig het; dit was Thau, of god.[2]
Verwysings wysig
- ↑ Christianity: an introduction deur Alister E. McGrath 2006 ISBN 1-4051-0901-7 pp. 321-323
- ↑ Elworthy, Frederick (1958). The Evil Eye. New York: Julian Press, Inc. pp. 103–4.
Skakels wysig
Wikimedia Commons het meer media in die kategorie Christelike kruis.
Hierdie artikel is in sy geheel of gedeeltelik uit die Engelse Wikipedia vertaal.
