City of Athens (skip)

Die Britse stoomskip City of Athens van 5604 ton het tydens die Eerste Wêreldoorlog op 10 Augustus 1917 gesink toe dit twee seemyne laat ontplof het.

Die City of Athens.

Die Duitse skip Wolf (skip) het seemyne rondom Tafelbaai gelê. So 'n 30 km van Tafelbaai tussen Groenpunt en Dasseneiland het die City of Athens gesink met aan boord 115 bemanningslede en 97 passasiers. Alle opvarendes kon veilig in die reddingsbote van die sinkende skip wegkom. Helaas het een van die reddingsbote omgeslaan en 15 passasiers en 4 bemanningslede verdrink. Onder die drenkelinge was vier Amerikaanse sendelinge onderweg na Madagaskar.

Bibliografie

• www.wrecksite.eu
• ahoy.tk-jk.net/MaraudersWW1