Clafoutis
Clafoutis is 'n Franse nagereg, wat sy oorsprong in die gewes Limousin in die suidelike Sentraal-Frankryk het en in die 19de eeu orals in die land gewild geraak het. 'n Clafoutis word van wilde- of swart kersies (wat nie ontpit word nie en sodoende 'n besondere smaak aan die gereg verleen) en 'n soort crêpe- of pannekoekdeeg gemaak en teen 'n hoë temperatuur in 'n porseleinbak in die oond gebak. Clafoutis word warm geniet en met slagroom bedien.
Die resep dateer waarskynlik uit die sestigerjare van die 19de eeu, en alhoewel deesdae ook ander soorte vrugte as kersies gebruik word, is dit net die sappige swart kersies wat saam met hul pitte 'n amandelagtige smaak aan die clafoutis verleen.
In Auvergne, 'n gewes wat aan Limousin grens, staan die gereg ook as milliard bekend, maar bevat in plaas van kersies ook dikwels druiwe, bessies of gedroogde pruimedante.
Eksterne skakels
wysig- Cloufits resepte[dooie skakel] by die webwerf van Epicurious.com. Laaste besoek 11 Mei 2007.