Club 8
Club 8 is 'n Sweedse musiekgroep wat in 1995 deur Karolina Komstedt (van die groep Poprace) en Johan Angergård (van Acid House Kings en Poprace) gevorm is en wat by vorming 'n platekontrak met Spaanse uitgewery Siesta onderteken het. Hulle het 'n enkelspeler, "Me Too", en 'n album, Nouvelle, op Siesta uitgereik voordat hulle na ander plateëtikette oorbeweeg het. Op hierdie punt in hul loopbaan het hulle 'n styl kategoriseerbaar as anorakpop besit en was invloede van Sarah Records-musiekgroepe, Jim Ruiz en The Smiths duidelik.
Club 8 | |
|---|---|
 | |
| Agtergrondinligting | |
| Oorsprong | Stockholm, Swede |
| Genres | Indiepop |
| Jare aktief | 1995 – 2003 2007 — hede |
| Etikette | Labrador |
| Webwerf | club-8.org |
| Lede | Karolina Komstedt Johan Angergård |
Hul tweede album, The Friend I Once Had, en 'n enkelspeler, "Missing You", is in 1998 vrygestel. "Missing You" was 'n nagklub- en radiotreffer in Spanje en het 'n kollege-gunsteling in die VSA geword. Die groep het regstreekse optredes begin uitvoer, en hul eerste konsert was in New York Stad by die College Music Journal-byeenkoms in 1999. Die groep se klank het 'n meer bossa nova- en dansgeörienteerde rigting begin inneem.
Met die groep se volgehoue strewe na verandering en verbetering het hul musikale rigting met die uitreik van die derde en selfgetitelde album in 2001 weer eens van koers verander. Club 8 is 'n rustige en ontspannende album en is met Portishead en Air vergelyk en by die vrystelling as triphop beskryf.
In die noordelike halfrond se herfs van 2001 het die groep die beroemde Summersound-ateljees beset om liedjies te skryf en met verskillende klanke te eksperimenteer. Dub, C-86, triphop, chillout, 80's en bossa nova is gemeng, maar die kenmerkende Skandinawiese melankoliese popmelodieë was steeds deurgaans die fokus van die album. Die album is getiteld Spring Came, Rain Fell en is in 2002 vrygestel.
In 2002 het Club 8 aan die opvolg vir Spring Came, Rain Fell begin werk. Die resultaat was Strangely Beautiful, wat nommer-18 op die CMJ-trefferlyste in die VSA bereik het. Die groep het vir die eerste keer sedert 1999 'n enkelspeler met 'n gepaardgaande musiekvideo vanaf die album vrygestel. Die baan "Saturday Night Engine" is met vyf ander eksklusiewe snitte as 'n enkelspeler in die noordelike halfrond se lente van 2003 uitgereik. Die video het die sestiende plek op die Up North-trefferlys op MTV Nordic bereik.
Ná Strangely Beautiful het Johan Angergård die groep The Legends gevorm en drie albums met hulle opgeneem in die tydperk van 2004 tot 2006. Hy het ook 'n album met Acid House Kings in 2005 opgeneem. Ná 'n hiaat wat in 2003 aangevang het, het Club 8 hul sesde ateljeealbum, getiteld The Boy who Couldn't Stop Dreaming, in 2007 onder Labrador se etiket vrygestel.
Diskografie
wysigAlbums
wysig- Nouvelle (1996)
- The Friend I Once Had (1998)
- Club 8 (2001)
- Spring Came, Rain Fell (2002)
- Strangely Beautiful (2003)
- The Boy Who Couldn't Stop Dreaming (2007)
EPs & enkelspelers
wysig- Me Too (1995)
- Missing You (1998)
- Missing You: The Remixes (1999)
- Love In December (2002)
- Summer Songs (2002)
- Saturday Night Engine (2003)
- Heaven (2007)
- Jesus, walk with me (2008)