Cornelius Jansen van Rensburg

Cornelius Jansen van Rensburg, gebore op 26 September 1982.

Cornelius Jansen van Rensburg besig om AfriForum se takke toe te spreek tydens die 2015 Nasionale Takkongres te Klein Kariba.

Onderrig

Cornelius het in Witrivier, Mpumalanga, grootgeword. Hy matrikuleer in 2000 aan die Hoërskool Rob Ferreira, waarna hy aan die Universiteit van Pretoria B.Com Beleggingsbestuur gaan studeer en in 2003 graadvang. Verder verwerf Cornelius ook 'n M.Com in Finansiële Bestuur in 2009. In 2014 verwerf Cornelius 'n MBA kwalifikasie by die Gordon Institute of Business Science.

Politieke betrokkenheid

Tydens sy studies raak Cornelius aktief betrokke by die kampus se studentepolitiek, gevolglik word hy in 2004 verkies as TUKS-studenteraadvoorsitter. Hier tydens het Cornelius verskeie veldtogte gelei vir behoud van Afrikaans en ontwikkeling van ander Afrika tale as onderrig medium aan die UP en ander histories Afrikaanse Universiteite.

In 2006, op die ouderdom van 23, word hy verkies as stadsraadslid in Pretoria vir die Vryheidsfront Plus. Hy was ook vir ’n geruime tyd jeugleier van die party maar het in 2009 weens ideologiese verskille bedank en is opgevolg deur Jan van Niekerk.

Loopbaan

Na afloop van sy voltydse studies is Cornelius werksaam in die finansiële bedryf tot en met 2010.

Hy het tussen 2010 en 2017 vir AfriForum gewerk, eers as hoof van die Gemeenskapsake-afdeling en daarna as adjunk uitvoerende hoof. In 2013 was Cornelius bykomend aangestel as uitvoerende hoof van Sakeliga (voorheen AfriSake). Onder hierdie vaandel het op inisiatiewe vir die behoud van eiendomsreg en die vryemarkstelsel in Suid-Afrika gefokus.

Ander

Cornelius dien as raadslid op verskeie direksies en trusts, en is medestigter van Midway Care Centre, 'n Alzheimer- en Dementia-versorgingsentrum.