Döbelns-park
Die Döbelns-park is 'n stadspark in die sentrum van die Sweedse stad Umeå. Die Döbelns-park is die oudste park in Umeå en is al 'n geruime tyd 'n kulturele park, konserte kan hier aangebied word en dit het ook 'n teater. Die park is aan die Storgatan geleë, ten ooste van die Stadskerk van Umeå.
Geskiedenis wysig
Die park is in 1865 onder die naam Stadsträdgården (stadspark) gestig, maar is in 1867 na generaal Georg Carl von Döbeln vernoem, en 'n monument is vir hom opgerig. Die park is ontwerp in die Engelse styl.[1]
In 1888 het 'n groot stadsbrand die meeste van die park verwoes en is baie van die bome en bosse erg beskadig. Die monument het ongedeerd gebly. In 1897 is 'n groot restourasie begin.
In 1920 is daar 'n teater in die park geplaas, waar konserte en ander optredes kan plaasvind. Benewens die monument van Von Döbeln is daar ook 'n borsbeeld van die Sweedse komponis Wilhelm Peterson-Berger. Die park is in 1997 weer gerestoureer met die doel om die park se kulturele karakter te versterk.
Kyk ook wysig
Verwysings wysig
- ↑ (sv) Munisipale tuiste oor die Döbelns park Geargiveer 7 Januarie 2019 op Wayback Machine
