Döbereinerlamp
Die döbereinerlamp is 'n aflogistiese lamp (wat sonder 'n vlam brand). Dit word in 1823 as verbetering op die Fürstenbergerlamp deur die Duitse chemikus Johann Wolfgang Döbereiner ontwikkel en versprei tot so 1880.[1][2] Hierdie ontdekking waar vuur gemaak word sonder 'n vuursteen, tonteldoos of vuurhoutjie was 'n internasionale sensasie.
Die döbereinerlamp word deesdae uitgestal in die Deutsches-museum, in die Stadsmuseum in Braunschweig, in die ou apteek in die Helderbergkasteel en die Museum Bayerisches Vogtland in Döbereiner se geboortestad.
Hoe die döbereinerlamp werk
wysigIn 'n glastoestel gevul met verdunde swaelsuur is 'n klokglas met 'n sinkfles. Die boonste deel van die klokglas is met 'n klep verseël wat deur 'n hefboom oopgemaak kan word, waarna die gas uit die klok ontsnap, die swaelsuur in die glasklok styg en met die sink reageer. Deur hierdie reaksie ontstaan waterstof wat deur die klep ontsnap en oor 'n "platinumspons" (fynverdeelde platinum) gelei word.
Die platinum kataliseer die reaksie van waterstof met suurstof (2 H2 + O2 → 2 H2O: Knalgasreaksie). Deur hierdie hitte vry te stel (eksotermiese reaksie) word die gasmengsel ontsteek en brand dit om water te vorm.
Los mens die hefboom, sluit die klep weer, die waterstofgas kan nie meer boontoe ontsnap nie en die suur word uit die glasklok terug in die reservoir gedruk.
Verwysings
wysig- ↑ "Feuererzeugende Geräte" (in Duits). www.ijon.de. Geargiveer vanaf die oorspronklike op 23 November 2019. Besoek op 29 November 2009.
- ↑ "Gedanken zum Feuer, von Joachim Acker" (in Duits). www.pfeife-tabak.de. Geargiveer vanaf die oorspronklike op 27 Mei 2016. Besoek op 29 November 2009.
Eksterne skakels
wysig
Wikimedia Commons het meer media in die kategorie Döbereinerlamp.
