Dakvink

'n Dakvink is 'n motoris of passasier wat sy arm by die venster laat uithang en met sy hand aan die dak van die voertuig vashou. Hierdie wetsoortreding word gewoonlik gemotiveer:

• vir afkoeling as gevolg van die hoë lugtemperatuur (en die gebrek aan 'n (werkende) lugreëlaar binne die motor);
• om beter ewewig te kry tydens die bestuur van 'n voertuig; en
• om meer ontspanne te voel.

Dit is 'n verkeersoortreding om enige liggaamsdeel by 'n bewegende voertuig op 'n openbare pad uit te steek

Suid-Afrikaanse wetgewing

Onderstaande wetsinterpretasie kan verouderd of onvolledig wees. Geliewe 'n regskenner te raadpleeg.

Die Nasionale Padverkeerswet 93 van 1996:

308. Algemene pligte van die bestuurder of passasier van 'n voertuig op die openbare pad:

(1) Geen persoon wat bestuur of 'n voertuig op die openbare pad het, sal-

(i) enige liggaamsdeel by 'n bewegende voertuig op so 'n pad laat uitsteek, behalwe om gemagtigde handseine te gebruik of indien hy of sy betrokke is by die nagaan, toets of parkering van so 'n voertuig nie;

(3) Geen passasier in 'n voertuig op 'n openbare pad sal enige liggaamsdeel by die voertuig laat uitsteek nie.

Bronne

• Handwoordeboek van die Afrikaanse Taal
• NATIONAL ROAD TRAFFIC ACT 93 OF 1996
• Dosent dok op oor elmboog buite bakkie