Darling-eskarp

Die Darling-eskarp is ’n lae platorand wat oos van die Swan-kusvlakte en Perth in Wes-Australië van noord na suid loop.

Geskiedenis

Kaarte uit die 1830's verwys na die eskarp as die General Darlings Range; wat later in Engels afgekort is tot Darling Range.

Die platorand is deur die Britse setlaars van die Swanrivier-kolonie oorgesteek en verken. Die bekendste van hierdie verkenningstogte is dié deur Robert Dale, wat van ’n punt naby Guildford tot by die suide van Greenmountheuwel en op tot by die Helenavallei gereis het.

Geologie

Die Darling-eskarp is die gevolg van die Darling-breuk, 'n groot geologiese onderbreking wat die Yilgarn-kraton in die ooste van die jonger Pinjarragebergte en die daaroor liggende Perthkom in die weste skei. Die Darling-breuk is vir langer as 1 000 km blootgestel, vanaf die gebied wes van Shark-baai tot aan die suidkus van Wes-Australië oos van Albany.

Die graniet en gneis van die Yilgarn-kraton vorm die hoë grond van die Perthheuwels en kan waargeneem word waar paaie deur die heuwels loop, met baie goeie voorbeelde in die Mundaring Weir-gebied. Die enigste sediment van die Perthkom wat wes van die breuk blootgestel word, is afkomstig uit die Kainosoïkum en bestaan uit materiaal soos die sanderige kalksteen, travertyn en duinsand waarop die stad Perth gebou is, insluitende die sandduine van die Pleistoseen-tydperk wat tydens die laaste ystydperk gevorm is.

Bronne

• Bean, Alison. A brief history of the Darling Range : for the Department of Planning and Urban Development. Perth, W.A. : The Dept., 1993. Darling Range Regional Park supplementary report ; no. 4. ISBN 0730953041
• Blainey, Geoffrey. White gold : the story of Alcoa of Australia St. Leonards, N.S.W. : Allen & Unwin, 1997. ISBN 1864483555
• The Darling Scarp : a natural entity: proceedings of symposium held at the Geography Department of the University of Western Australia, November 1969 Perth, W.A.: Nature Conservation Council of Western Australia, 1970
• Department of Planning and Urban Development, Western Australia. The Natural resources of the Darling Ranges Perth, W.A. : The Dept., 1993. Darling Range Regional Park supplementary report ; no. 2. ISBN 0730953025
• Murphy, Mike. ( Coles, Helena - editor) Jarrahdalians : the story of the Jarrahdale Mine Booragoon, W.A. : Alcoa of Australia, 1998. ISBN 064636670X
• Myers JS (1992) Pinjarra Orogen, in Geology and Mineral Resources of Western Australia: Western Australia Geological Survey, Memoir 3, 77-119.
• Schur, Basil. Jarrah forest or bauxite dollars? : a critique of bauxite mine rehabilitation in the jarrah forests of southwestern Australia Perth, W.A. : Campaign to Save Native Forests (W.A.), 1985. ISBN 0959744975 (pbk.)
• Watson, Lindsay The Railway History Of Midland Junction : Commemorating The Centenary Of Midland Junction, 1895-1995 Swan View, W.A : L & S Drafting in association with the Shire of Swan and the Western Australian Light Railway Preservation Association, [1995]