Dave Pepler

David Pepler (noemnaam Dave) is 'n Suid-Afrikaanse omgewingskundige en TV-aanbieder. Hy verwerf bekendheid as aanbieder van kykNET se program Groen, wat die eerste keer op 5 Januarie 2004 gebeeldsend is.

Dave Pepler
Gebore	Robertson, Wes-Kaap
Beroep	Omgewingskundige
Bekend vir	TV-aanbieder en omgewingsaktivis

Beknopte biografie

Pepler is op Robertson in die Wes-Kaap gebore. Hy matrikuleer aan die Hoërskool Robertson waarna hy bosbou aan Saasveld studeer. Hy ontvang later 'n M.Phil. in soölogie (dierkunde) van Cambridge-universiteit. Tot sy aftrede in 2005 was hy senior lektor aan die Universiteit Stellenbosch se departement van omgewingsake en ekologie. In 2007 word hy met die Stevenson Hamilton-prys vir sy buitengewone bydrae tot soölogie bekroon.

Bibliografie

Sy boek, Immergroen: Stories oor plante (ISBN 9780798150934), met foto's deur Lien Botha, is in 2009 deur Human & Rousseau uitgegee. Die boek is sedertdien in Engels vertaal.

Eksterne skakels

• Sy Facebook-profiel.
• Hanlie Retief gesels met Dave Pepler Geargiveer 20 Maart 2014 op Wayback Machine, Rapport, 21 November 2009.