De Wildt
De Wildt is 'n dorpie in die Noordwes, Suid-Afrika. Dit is 18 km oos van Brits. Die dorpie is vernoem na E de Wildt, ingenieur van die Nederlandse spoorwegmaatskappy NZASM, wat in 1905 die spoorlyn van Pretoria na Rustenburg opgemeet het.
Geskiedenis wysig
Op 7 Desember 1912 het generaal J.B.M. Hertzog sy toespraak hier gelewer wat regstreeks aanleiding gegee het tot die stigting van die Nasionale Party. Destyds het hy verskil van sy kollegas genls. Smuts en Botha oor die toekomstige verhouding tussen Engels- en Afrikaanssprekende Suid-Afrikaners.
Trivia wysig
Naby De Wildt is 'n navorsingstasie oor jagluiperds waar die eerste jagluiperd ooit in gevangeskap geteel is. Margaret Roberts, internasionaal erkende kundige op die gebied van kruie, het ook 'n kruiesentrum hier gehad waar sy kruie gekweek en lesings en demonstrasies gegee het.