Denver (kiesafdeling)
Denver, in die ooste van Johannesburg rondom die gelyknamige voorstad, Denver, was 'n kiesafdeling van die Suid-Afrikaanse Volksraad vanaf die eerste algemene verkiesing op 15 September 1910 ná Uniewording op 31 Mei daardie jaar tot voor die algemene verkiesing van 1933.
In die eerste verkiesing wen die Unionisteparty se D. Maccaulay met 'n meerderheid van 214 stemme teen die Arbeidersparty se T. Landye. Vyf jaar later behou W.J. Parrack Denver vir die Unionisteparty toe hy met 'n meerderheid van 485 stemme wen teen die Arbeidersparty se C.H. Hayward, wat ook in Commissionerstraat verloor het.
Die Arbeiders slaag uiteindelik om Denver in 1920 te wen toe T.E. Drew 996 stemme op hom verenig, vergeleke met die 667 vir die dienende Unionis, Parrack, en 541 stemme vir die Nasionale Party se S.P. van Wijk. Drew dien egter skaars 'n jaar as Volksraadslid, want in 1921 klop C.E. Nixon (Suid-Afrikaanse Party) hom met 'n meerderheid 265. J.J.B. Pohl van die N.P. is derde met 585 stemme.
In 1924 kom die leier van die Arbeidersparty, kol. F.H.P. Creswell in Denver staan en wen met 750 stemme teen die S.A.P. se P.D.V. Alexander, wat 800 stemme gekry het. Die onafhanklike S. Scott is derde met 23 stemme. Creswell behou Denver in 1929 met 'n meerderheid van 209 bo die S.A.P. se H.J. Hofmeyr. Dit was die laaste verkiesing in die kiesafdeling, want met die herafbakening voor die 1933-verkiesing is dit afgeskaf.
Partye en kandidate gewen
wysig- 1910 - D. Maccaulay van die Unionisteparty
- 1915 - W.J. Parrack Denver van die Unionisteparty
- 1920 - T.E. Drew van die Arbeidersparty
- 1921 - C.E. Nixon van die Suid-Afrikaanse Party
- 1924 en ook 1929 - Kol. F.H.P. Creswell van die Arbeidersparty
Bronne
wysig- Schoeman, B.M. 1977. Parlementêre verkiesings in Suid-Afrika 1910-1976. Pretoria: Aktuele Publikasies.