Deon Rossouw
Gedeon Josua (Deon) Rossouw is gebore in Vredendal. Hy het teologie en filosofie aan die Universiteit van Stellenbosch studeer en het in 1989 sy doktorsgraad in filosofie behaal. Sedert 1986 het hy filosofie aan die Randse Afrikaanse Universiteit doseer waar hy later ook as departementshoof aangestel is. Hy was van 2004–2010 hoof van die departement filosofie aan die Universiteit van Pretoria.[1]
Rossouw is 'n vooraanstaande kenner op die gebied van sake-etiek en het al verskeie boeke en meer as sestig artikels oor etiek en filosofiese dinkvaardighede gepubliseer. Hy was stigterspresident van die Besigheidsetieknetwerk van Afrika (BEN-Afrika). Hy dien op die uitvoerende komitee van die Internasionale vereniging vir besigheid, ekonomie en etiek asook die redaksie van die Tydskrif vir Sake-etiek. Hy is besoekende professor in Sake-etiek en Korporatiewe Regering aan die New Castle Besigheidskool en was tydens 2000 gasnavorser aan die 'Judge' Besigheidskool van die Universiteit van Cambridge in die Verenigde Koninkryk.
Hy is getroud met Anys (Anista van Greunen) en het drie kinders.
Bibliografie
wysig- DINK vaardig : Inleiding tot Filosofiese Vaardighede (red) (1992)
- Business Ethics: A southern African perspective (1994)
- Independent and Innovative Thinking (met J. Coley Lamprecht, 1995)
- Skilful Thinking : An Introduction to Philosophical Skills (1994)
- Life in a Postmodern Culture (redakteur) (1995)
- Business Ethics in Africa (2de uitgawe) (2002)
- Developing Business Ethics as an academic field (2004)
- Business Ethics (3de uitgawe) 2004.
Bronne
wysig- Good Governance Programme, Centre for Human Rights (University of Pretoria). 2005. Development and Human Rights Course: Presenters. [1] Geargiveer 16 Mei 2006 op Wayback Machine