Diageo
Diageo plc (uitgespreek as [daɪ̯'æd͡ʒəʊ̯], [diːˈɑːʒiːoʊ] of [diˈædʒioʊ]) is 'n Britse multinasionale drankvervaardiger wat sy hoofkwartier in Londen het. Dit is die wêreld se grootste produsent van alkoholiese dranke asook 'n beduidende produsent van bier en wyn.
| Diageo plc | |
  | |
| Tipe | Public limited company |
|---|---|
| Gestig | 1997 |
| Hoofkantoor | Londen, Verenigde Koninkryk |
| Sleutelpersone | Franz Humer (voorsitter) Ivan Menezes (hoof uitvoerende beampte) |
| Gebied bedien | wêreldwyd |
| Industrie | Alkoholiese dranke |
| Produkte | Bier, wyn, whisky, wodka, tequila, sjampanje |
| Inkomste | £15,487 miljard (2013) |
| Bedryfsinkomste | £3,431 miljard (2013) |
| Netto inkomste | £2,594 miljard (2013) |
| Werknemers | 36 000 (2014) |
| Webwerf | diageo.com |
Diageo is 'n markleier met premiumhandelsmerke soos Smirnoff (wodka), Johnnie Walker (Skotse whisky), Baileys (likeur) en Guinness (bier). Diageo is daarnaas die eksklusiewe internasionale verspreider van José Cuervo (die leidende handelsmerk vir tequila) en besit 34 persent van die aandele in Moët Hennessy (met handelsmerke soos Moët & Chandon, Veuve Clicquot en Hennessy). Diageo verkoop sy produkte in meer as 180 lande en het kantore in sowat 80 lande.
Diageo se primêre notering is op die Londense Effektebeurs, met 'n sekondêre notering in New York. Sy aandele maak deel uit van die FTSE 100 Index, en sy markkapitalisasie het op 7 Mei 2013 £48,9 miljard beloop. Dit is die 8ste grootste maatskappy wat op die Londense Effektebeurs genoteer word.