Die Blou Lotus (Boek)

Die Blou Lotus (Frans: Le Lotus bleu) is die vyfde Kuifie-avontuur. Dit is geïnspireer deur die mukden-insident, wat gelei het tot die Chinees-Japannese oorlog van 1934. Die naam "Die Blou Lotus" verwys na 'n opiumkroeg in Shanghai.

Die Blou Lotus
Skrywer	Hergé
Vertaler	Johann Rossouw
Taal	Frans
Reeks	Die avonture van Kuifie
Uitgewer	Human & Rousseau
Uitgegee	eerste Afrikaanse uitgawe in 2004
ISBN	0-7981-4453-X
Letterkunde-portaal

Agtergrond

Japanese soldate betree tydens die Mukden-voorval in 1931 Shenyang; een van die gebeure van die kontemporêre Tweede Chinees-Japannese Oorlog wat in Die Blou Lotus uitgebeeld is.

In die vorige avontuur "Die Sigare van die Farao" het Kuifie genoem dat sy volgende storie hom na China toe sou bring. Hy raak betrokke in 'n stryd teen 'n bende dwelmsmokkelaars.

Terwyl Hergé 'n student was, het hy vriende gemaak met 'n jong Chinese beeldhoustudent, Chong-Jen. Hy het Hergé bekendgestel aan die Chinese geskiedenis, kultuur en kuns. Hergé het bewus geraak van die probleem van kolonisasie, veral van die Japannese ryk teenoor China. Hergé het hierna in al sy Kuifie-boeke gepoog om die plekke wat Kuifie besoek het, akkuraat voor te stel.

Die boodskap van Die Blou Lotus is anti-imperialisme wat in strak teenstelling was met die Weste wat pro-Japan was.

Kuifie is 'n ooggetuie in Suid-Manchurian ('n provinsie in China) waar Japan hulle eie treinspoor opgeblaas het. Die insident het uiteindelik daartoe gelei dat Japan uit die Volkebond geskop is. Japan het eintlik net 'n verskoning gesoek om China te beset. Japan het belanggestel in China omdat hulle baie minerale gehad het. Japan het op daardie stadium 'n baie sterker leër gehad en kon dus beheer uitoefen.

Karakters

Wang Jen-Ghié

Hy is die leier van die seuns van die draak. Hulle is 'n groep wat veg teen die dwelm opium wat die mense van die land lamlê. Hy woon buite Sjanghai. Sy seun is die jong man wat hom by twee geleentheid gered het, maar hy het mal geword. Die seun dreig om almal se koppe met 'n swaard af te kap.

Tsjang Tsjong-Jen

Kuifie red die seun se lewe toe hy in 'n rivier geval het. Hulle word goeie vriende. Hulle help mekaar in dié avontuur.

Mitsuhirato

Vyand van die seuns van die draak. Japannese agent wat in China werk. Hy is 'n aktiewe en korrupte agent. Hy is ook 'n dwelmbehandelaar.

Sien ook

• Le Monde se 100 boeke van die eeu