Die Doelgerigte Lewe
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Doelgerigte Lewe is die Afrikaanse 2003-vertaling van The Purpose Driven Life (2002), wat 'n Bybelstudieboek is wat deur die Amerikaanse Christelike skrywer, Rick Warren, neergepen is en deur Zondervan uitgegee word. Die oorspronklike Engelse vertaling is een van die boeke wat die langste op die New York Times, Wall Street Journal en Publishers Weekly se topverkoperlyste gepryk het. Teen 2007 is meer as 30 miljoen eksemplare verkoop. [1] Die boek bied die leser ’n persoonlike reis van 40 dae en gee, volgens Warren, God se vyf doelstellings vir die mens se lewe hier op aarde weer. Die Doelgerigte Lewe word omskryf as
Die Doelgerigte Lewe
Wat op aarde doen ek nou eintlik hier? | |
|---|---|
| |
| Skrywer | Rick Warren |
| Vertaler | Jan Schaafsma |
| Omslagontwerper | Michael Halbert |
| Land | VSA, Suid-Afrika |
| Taal | Afrikaans |
| Genre | Christelike verryking |
| Uitgewer | Zondervan |
| Uitgegee | 2003 |
| Bladsye | 296 |
| ISBN | 1-86842-155-4 |
| Voorloper | The Purpose Driven Life |
- ‘n bloudruk vir 'n Christelike lewe in die 21ste eeu....met meer as 1 200 Skrifaanhalings en –verwysings daag dit die gewone omskrywing van aanbidding, gemeenskap, dissipelskap, bedienings en evangelisme uit.
Inhoud
wysigDie boek is geskryf om vir daaglikse besieling gelees te word, met 40 hoofstukke wat vir 40 agtereenvolgende dae bedoel is. Aan die einde van elke hoofstuk is daar 'n toepassingsafdeling genaamd Dink aan my doel na, met Iets om oor na te dink, ‘n Vers om te onthou en ’n Besprekingsvraag om deur die loop van daardie dag te bepeins. Rick Warren stel dit duidelik in sy boek dat dit nie ’n selfhelp-boek is nie. Die eerste sin lui: Dit gaan nie om jou nie, [2] terwyl die res van die eerste hoofstuk verduidelik hoe die soeke na selfverwesenliking, tevredenheid en die sin van die lewe slegs vervul en beantwoord kan word as jy eers verstaan om watter rede God jou geskep het en dan sy wil en doel in jou lewe uit te voer. [3] Die boek se 40 hoofstukke word in ses seksies verdeel, naamlik: [4]
- Wat op aarde doen ek nou eintlik hier?
- Doel #1: Jy is vir God se behae beplan (Aanbidding)
- Doel #2: Jy is vir God se familie geskep (Gemeenskaplikheid)
- Doel #3: Jy is geskep om soos Christus te word (Dissipelskap)
- Doel #4: Jy is geskep om God te dien (Bediening)
- Doel #5: Jy is vir ’n sending geskep (Sending)
Impak
wysigGeorge Barna se meningspeiling in Mei 2005 het Amerikaanse pastore en dominees gevra om boeke te lys wat die meeste invloed op hul lewens en bediening gehad het. The Purpose Driven Life is die meeste benoem. The Purpose Driven Church, Warren se vorige boek, was tweede. [5] Billy Graham en Franklin Graham sê dat
- Die Doelgerigte Lewe jou na grootsheid lei—omdat jy volgens die Groot Gebod en die Groot Opdrag leef
Ashley Smith
wysigNadat die gyselaar, Ashley Smith, Hoofstuk 32 vir haar aanhouer, Brian Nichols (wat op 11 Maart 2005 vier mense in Atlanta geskiet het), voorgelees het, het die boek die topverkoper op verskeie godsdiens– en adviesboekranglyste geword, wat The New York Times, The Wall Street Journal, USA Today en Publishers Weekly insluit.
Verwysings
wysig- ↑ http://abcnews.go.com/print?id=2914953
- ↑ Warren, Rick, Die Doelgerigte Lewe, 2003, bl. 15
- ↑ Warren, Rick, Die Doelgerigte Lewe, 2003, bl. 18
- ↑ Warren, Rick, Die Doelgerigte Lewe , 2003, Inhoud
- ↑ "Survey Reveals The Books and Authors That Have Most Influenced Pastors, May 2005, The Barna Group". Geargiveer vanaf die oorspronklike op 2 Maart 2009. Besoek op 7 Junie 2011.
Eksterne skakels
wysig- Die eerste sewe hoofstukke van The Purpose Driven Life kan gratis by http://docs.purposedriven.org:8088/docs/pdl/samplechapters/woeaihf.pdf Geargiveer 31 Maart 2010 op Wayback Machine gelees word.