Die Eensame Krokodil

Die Eensame Krokodil is 'n Afrikaanse liedjie.

Lirieke

Die krokodil se hart is seer
Kom ons vra hom wat makeer
Hy's te yslik groot en lank
Om nog so te lê en tjank

Ek is 'n eensame krokodil
Mense kyk vir my en gril
Ek soek maters hoog en laag
Maar almal sê ek vreet te graag

Stilletjies hier op my plek
Kyk hoe mooi en soet is ek
Kom maar naby want ek hou
Elke oomblik meer van jou

Ek is 'n eensame krokodil
Mense kyk vir my en gril
Ek soek maters hoog en laag
Maar almal sê ek vreet te graag

Spring maar gou die water in
Jy is baie na my sin
Kom nou laat ons kennis maak
Ons vriendskap sal so lekker smaak

Ek is 'n eensame krokodil
Mense kyk vir my en gril
Ek soek maters hoog en laag
Maar almal sê ek vreet te graag

O krokodil jy wil my vang
Maar ek is vir jou te bang
Kennis maak op jou manier
Nee, weg is ek totsiens ou dier

Ek is 'n eensame krokodil
Mense kyk vir my en gril
Ek soek maters hoog en laag
Maar almal sê ek vreet te graag