Die Leonardo (Sandton)

Die Leonardo is 'n hoë toringgebou vir gemengde gebruik met 55 verdiepings in Sandton, Suid-Afrika. Dit is in April 2019 voltooi en is amptelik die hoogste gebou in Afrika, met 'n hoogte van 234 meter.[1] Die wolkekrabber is by Maudestraat 75 geleë, ongeveer 100 meter van die Johannesburgse Effektebeurs.

The Leonardo
The Leonardo - Under Construction.jpg
Uitsig vanaf die hoek van Maude- en Weststraat, Sandton, Johannesburg.
Inligting
Naam The Leonardo
Dorp/Stad Sandton, Johannesburg
Land Suid-Afrika
Argitek Co-Arc International Architects
Voltooidatum 2019
Koste R2 miljard

Die toringgebou is oorspronklik met 'n hoogte van 238 meter beplan, die hoogste gebou in Afrika.[2][3]

Die dakwoonstel met drie verdiepings en 'n oppervlakte van 2 100 vierkante meter is vir R180 miljoen op die eiendomsmark aangebied. Indien dit verkoop word, sal dit die duurste deeltiteleiendom ooit in Suid-Afrika word.[4] Die hele struktuur sal R2 miljard kos en bestaan uit 200 woonstelle en 11 vloere van kommersiële kantore.[5][6]

Die ontwikkeling sluit winkels op straatvlak in asook 'n bogrondse podium waar 'n swembad, restaurant en 'n paar ander fasiliteite geleë is.[7] Die toringgedeelte van die gebou het op hierdie podium met vier verdiepings ontstaan.

Die ontwerp het aansienlik verander sedert dit bekend gemaak is, en was oorspronklik geskeduleer om ontwerp te word deur die AMA argitek firma en moes voltooi wees teen 2010.[8][9]

Op 17 November 2015 het konstruksie van die Leonardo begin.[10].

Teen die einde van April 2018, was die Leonardo die hoogste gebou in Sandton, hoër as die Sandton City Kantoortoring, wat 141 m hoog is. In April 2019 is die Leonardo voltooi, en dit is nou amptelik die hoogste gebou in Afrika. Die "Iconic Tower" in aanbou in die New Administrative Capital van Egipte het reeds 'n hoër hoogte bereik (250 m in Okt 2020), maar word nie in berekening gebring totdat die gebou voltooi is nie.

Sien ookWysig

VerwysingsWysig

  1. "Legacy Living | Legacy Property for Rent or Sale". www.legacyliving.co.za. Besoek op 2018-08-14.
  2. http://www.co-arc.com/co-arc-international-architects-news-2015
  3. "Legacy to develop Leonardo in Sandton". Business Day Live. Geargiveer vanaf die oorspronklike op 24 September 2018. Besoek op 18 November 2015.
  4. http://www.financialmail.co.za/fmfox/2015/01/29/apartments-sas-first-r180m-flat
  5. "APARTMENTS: SA's first R180m flat". Financial Mail. Geargiveer vanaf die oorspronklike op 24 September 2018. Besoek op 18 November 2015.
  6. "Legacy Living | Legacy Property for Rent or Sale". www.legacyliving.co.za. Besoek op 2015-11-18.
  7. "Legacy plans major Sandton development - Hotel Investment Conference Africa". Hotel Investment Conference Africa (in Engels). Geargiveer vanaf die oorspronklike op 27 Mei 2017. Besoek op 18 November 2015.
  8. http://www.theleonardo.co.za/
  9. "75 Maude". lpms.co.za (in Engels). Geargiveer vanaf die oorspronklike op 4 Maart 2016. Besoek op 18 November 2015.
  10. "The Leonardo - The Skyscraper Center". skyscrapercenter.com (in Engels). Geargiveer vanaf die oorspronklike op 2 November 2019. Besoek op 21 November 2015.

Eksterne skakelsWysig