Die Mond-natuurreservaat
Die Mond-natuurreservaat tussen Struisbaai en Waenhuiskrans in die Overberg val sedert 1986 onder die Ramsar-konvensie.
Die reservaat beslaan die mond van die Heuningnesrivier, is 918ha groot en lê by 34° 43′ suid en 20° 7′ oos. Verskuiwende duine versper die riviermond en vorm ‘n broeiplek vir verskeie voëlsoorte. Ook is dit die habitat vir reptiele, skaaldiere en die seeperdjie Hippocampus.