Diklofenak

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.

Diklofenak

Chemie
Chemiese formule	C₁₄H₁₁Cl₂N O₂
Molêre massa	296.148 g/mol
Voorkoms	wit, kristallyn
CAS-nommer	15307-86-5
Farmakokinetika
Biobeskikbaarheid
Proteïengebonde	>99%
Metabolisme	Lewer
Halfleeftyd	1.2 tot 2 uur

Diklofenak (INN, sien handelsname onder) is 'n nie-steroïd anti-inflammatoriese middel (NSAIM) wat gebruik word om inflammasie te verminder; as 'n pynstiller verminder dit ook pyn in meeste gevalle.

Die naam "diklofenak" is afgelei van die chemiese naam: 2-(2,6-dichloor-anilien)-fenielasynsuur. Diklofenak is oorspronklik in 1973 in Switserland deur CIBA-GEIGY (nou Novartis) ontwikkel. ^[1] Dit is die eerste keer in 1979 in die Verenigde Koninkryk vrygestel. ^[2]^[3]

In die Verenigde Koninkryk, Indië, Brasilië, Suid-Afrika en die Verenigde State van Amerika, word diklofenak verskaf as óf die natrium- of die kaliumsout. Diklofenakkalium is veral bruikbaar in 'n wateroplosbare formulering waar pynverligting dadelik benodig word. Diklofenak is beskikbaar as 'n generiese middel in 'n hele aantal formulerings, insluitend diklofenakdiëtielamien, wat plaaslik aangewend word (smeer aan die vel). Goedkeuring is in die meeste lande verleen vir oor-die-toonbank (OTC)-gebruik vir ligte pyn, asook pyn en koors wat verband hou met algemene infeksies.

Toepassingsgebiede

Die mees algemene gebruik van diklofenak is vir pyn of inflammasie wat verband hou met muskuloskeletale beserings of afwykings. Veral op hierdie gebied is dit dikwels nie moontlik om duidelik te onderskei tussen pyn wat deur beserings of inflammasie veroorsaak word nie. Moontlike areas van toepassing vir diklofenak is akute gewrigsontsteking insluitend jigaanvalle, chroniese inflammasie van die gewrigte of pynlike swelling of ontsteking na beserings of operasies. Daarbenewens word diklofenak gebruik in inflammatoriese vorme van rumatiek en in sagteweefselrumatiek. Dit word ook as 'n "pyngel" (vir pyn, inflammasie en rumatiek) verkoop.

'n Paar handelsname

Arthrotec ® (kombinasie met misoprostol)
Betaren ®
Cataflam-D ®
Diclofenac-SR ®
Diclofenac-Asteria ®(VSA en Korea)
Dicloflam ® (Suid-Afrika)
Diclopar ® (Tanzanië)
Dycloject ®
Fenac ® (diklofenakkalium, Australië)
Panamor ®
Sandoz-diclofenac ®
Veltex CR ® (Suid-Afrika)
Voltaren ® (Argentinië, Australië, België, Egipte, Frankryk, Duitsland, Nieu-Seeland, Norweë, Portugal, Rusland, Suid-Afrika, Turkye)
Voltaren ® Emulgel (Australië, Suid-Afrika, Kanada, Nieu-Seeland, VK)
Voltaren ® Gel (VSA)

Verwysings

↑ "argiefkopie". Geargiveer vanaf die oorspronklike op 30 Desember 2010. Besoek op 27 Januarie 2014.
↑ http://www.pubmedcentral.nih.gov/articlerender.fcgi?artid=1434053
↑ Salmann AR (1986). "The history of diclofenac". Am. J. Med. 80 (4B): 29–33. doi:10.1016/0002-9343(86)90076-8.

Voltaren ® 25mg-tablette

Hierdie artikel is ’n saadjie. Voel vry om Wikipedia te help deur dit uit te brei.

Hierdie artikel is in sy geheel of gedeeltelik vanuit die Engelse Wikipedia vertaal.

[1] "argiefkopie". Geargiveer vanaf die oorspronklike op 30 Desember 2010. Besoek op 27 Januarie 2014.

[2] ttp://www.pubmedcentral.nih.gov/articlerender.fcgi?artid=1434053

[3] Salmann AR (1986). "The history of diclofenac". Am. J. Med. 80 (4B): 29–33. doi:10.1016/0002-9343(86)90076-8.

[1]

[2]

[3]