Diptigon
'n Diptigon (afgelei van Grieks diptychos "dubbel gevou") is in die klassieke Grieks-Romeinse tyd 'n klein, tweedelige wastablet wat as aantekeningboek dien. Dit word tot in die Middeleeue gebruik; meestal bestaan dit uit twee dele wat saamgevou kan word. Die eerste tablette is van hout gemaak, later word ook goud, silwer en ivoor vir die boekbande gebruik.
Die vroeë Christelike kerk teken die name van weldoeners in die gemeentes in diptigons op en laat vir hulle tydens die mis bid.
Ook Middeleeuse altaarbeelde wat geskilder of gekerf word is gewoonlik in die vorm van 'n diptigon met twee vleuels gemaak en kan saamgevou word.
