Dirk Jordaan
Dirk Jordaan is ’n Afrikaanse joernalis en skrywer.
Lewe en werk
wysigDirk Jordaan is op 18 Februarie 1963 op Vryheid gebore. In 1980 matrikuleer hy aan die Hoërskool Vryheid en na sy verpligte militêre diensplig studeer hy verder aan die Potchefstroomse Universiteit vir Christelike Hoër Onderwys. Hier behaal hy in 1986 sy B.A.-graad in Kommunikasiekunde, waarna hy by die redaksie van Beeld in Johannesburg aansluit. Later word hy senior assistent-redakteur. Hy bly in Rietfontein in Pretoria.
Skryfwerk
wysigSy roman[1] “Die jakkalssomer”[2] is in 2007 ’n finalis in Insig en Sanlam se [3]Groot Romanwedstryd en dit is ook ’n finalis vir ’n ATKV-Veertjie-toekenning in die afdeling spanningslektuur. Hierin volg polisiekaptein Div Pelser van die Nasionale Vervolgingsgesag die spoor van vier lyke wat lank na hulle dood in ’n vlak graf in die Oos-Kaap gekry word. Die soektog is na Die Jakkals wat vir die moorde verantwoordelik is en Div se lewe is sommer gou in gevaar. In sy speurtog word die wêreld van Suid-Afrika onder apartheid en kort daarna oopgevlek. Die boek getuig van deeglike navorsing en ’n indringende waarnemingsvermoë.[4] Arendsnes”[5] is ’n misdaadriller wat worstel met die vraag of dit eties korrek is om die reg in eie hande te neem wanneer ’n gebrekkige regstelsel jou in die steek laat.[6] Kalvyn Botha is ’n oudsoldaat en veiligheidskonsultant wat alleen met sy hond op ’n kleinhoewe buite Pretoria woon. Hy is klaarblyklik betrokke by ’n reeks moorde van misdadigers soos rowers en kapers wat weggekom het omdat die vervolging slordig hanteer is. Dit is egter duidelik dat hy nie alleen werk nie. Luitenant Lydia Stander van die Valke se afdeling vir prioriteitsmisdaad kom op die verdagtes se spoor, maar sy sukkel self om haar te handhaaf in ’n mans-gedomineerde beroep. Die spore loop deur Suid-Afrika, Mosambiek tot in die Kongo en die spanning word deurgaans styf getrek.
Publikasies
wysig| Jaar | Publikasies |
|---|---|
| 2007 | Die jakkalssomer |
| 2012 | Arendsnes |
Bronnelys
wysigTydskrifte en koerante
wysig- Bloemhof, François “Twee nuwelinge versterk plaaslik groeiende genre” “Rapport” 30 September 2007
- Prins, Jo “Op die jakkals se spoor” “By” 8 September 2007
Internet
wysig- Hambidge, Joan LitNet: http://www.litnet.co.za/die-onopgeloste-raaisel-met-spesifieke-verwysing-na-die-jakkalssomer/
Resensies
wysig- ↑ Bloemhof, Francois “Rapport” 30 September 2007
- ↑ Van Zyl, Irna “Boeke-Insig” no. 1 Lente 2007
- ↑ Viljoen, Louise “Beeld” 15 Oktober 2007
- ↑ Breytenbach, Malene “Rapport” 4 November 2012
- ↑ Erskine, Marion Maandblad Zuid-Afrika: http://www.maandbladzuidafrika.nl/node/84
- ↑ Geldenhuys, Nico “Beeld” 22 Oktober 2012