Divali

Divali (ook Dipavali) is 'n belangrike Hindoefees. Die woord "divali" beteken letterlik "rye van brandende lampe". Dit is as 'n fees van ligte bekend en die meeste Indiese mense en Hindoes vier dit met blydskap. Tydens die fees versier mense hul huise en winkels met lampe en ander ornamente om dit te verlig. Omdat die lampe die donker in hul strate en huise verduister simboliseer dit ook dat die lig die duisternis verdryf. Dit beteken dat die "goeie" die "slegte" verdryf. Die Hindoegod Ganesja word aanbid om vir goeie welsyn en welvaart te vra. Laksjmi, die godin van rykdom en wysheid, word ook aanbid.

'n Versierde Nepalese tempel

In Indië, Sri Lanka, Mauritius, Guyana, Trinidad en Tobago, Suriname, Maleisië, Singapoer en Fidji is Dipavali 'n amptelike vakansiedag.

Gedurende hierdie tyd probeer die Hindoes weer vrede maak met mense met wie hulle baklei het. Daar word ook gesing en gedans.

Sien ook

• Chanoeka, Joodse ligtefees
• Kersfees, Christelike ligtefees