Skyngeveg

'n Skyngeveg behels in die gedragskunde 'n geritualiseerde geveg, waar die kans gering is dat opponente beseer sal word. Skyngevegte het 'n vaste stel reëls (en is dus vir die opponente grootliks voorspelbaar) op grond van 'n sekere gedrag wat geopenbaar moet word. Dit is wydverspreid onder die diereryk en hou byvoorbeeld verband met die vasstelling van die rangorde van 'n groep diere (wat onder andere paringsreg insluit).

'n Skyngeveg by edelherte.

Hierdie skyngeveg tussen twee perdebye het met die neem van die foto reeds meer as 15 minute geduur.

Skyngevegte kan in bloedige gevegte ('n bietjie bloed trek) ontaard wanneer die konflik nie met 'n skyngeveg opgelos kan word nie. Dit kan byvoorbeeld die geval wees indien beide opponente omtrent ewe sterk is.

Voorbeelde

'n Bekende voorbeeld van 'n skyngeveg is die teenoormekaarstelling van twee edelhertmannetjies tydens paartyd. 'n Minder bekende voorbeeld van 'n gespesialiseerde vorm van skyngeveg is die sogenaamde stoeiery by perdebye. Baie slangspesies openbaar ook skyngeveg-gedrag.