Donkerkamertjie
Donkerkamertjie is 'n speletjie, soortgelyk aan wegkruipertjie, wat deur kinders in die donker gespeel word.
Die speletjie word gewoonlik in die aande in 'n donker vertrek (of vertrekke) gespeel. Die kinders besluit vooraf waar daar weggekruip mag word en wie eerste "aan" is. Die kind wat "aan" is moet dan tot 50 tel voordat hy na die ander kan begin soek.
Die speletjie kan handig te pas kom as die krag af is of om kinders te help om hulle vrees vir die donker te oorkom.
