Donkermaan

Donkermaan of nuwemaan is ’n fase van die Maan wanneer dit onsigbaar is omdat die Son op die agtergrond is soos van die Aarde af gesien. Dit duur 1,5 tot 3,5 dae, na gelang van die presiese ligging van die Aarde en Son, en geskied 14³⁄₄ dae ná volmaan.

Nuwemaan het oorspronklik verwys na die eerste nag waarop die Maan sigbaar was, een of twee dae ná konjunksie (wanneer die Aarde, Maan en Son in ’n reguit lyn lê). Deesdae word die twee terme as sinonieme gebruik.