Doubs

Die Doubs (uitgespreek [du] doe) is 'n rivier in Frankryk en Switserland wat in die Saône en uiteindelik in die Rhône uitmond.

Doubs
Die Doubs tussen Laissey en Deluz Die Doubs tussen Laissey en Deluz
Die stroomgebied van die Doubs.
Oorsprong	Mouthe
Monding	in die Saône
Stroomgebied	Switserland, Frankryk
Lengte	453 km
Oorspronghoogte	945 m
Mondinghoogte	175 m
Stroomgebiedopp.	7 710 km²

Die naam Doubs is van 'n Keltische stam dub- (in Gallies), wat swart beteken. Dit word nog gebruik in Bretoens du en in Iers dub. Ook in die Switsers-Duitse naam Tobwald of Toppwald kom die element dub- voor. In 1299 word dit in Latyn duidelik gemaak " Silvas nigras que theotonice vulgo topwelde appellantur" (Swart bosse was deur die Duitse volk topwelde genoem word.)

Die Franse département Doubs is na hierdie rivier genoem. Sy totale lengte is 453 km, waarvan 430 op Franse grondgebied. In Frankryk is dit die tiende rivier na lengte. Die rivier ontspring in die Franse gemeente Mouthe op 945 m hoogte en stroom aanvanklik na die noordooste langs die stede Pontarlier en Morteau. Dit vorm die Frans-Switserse grens en draai dan na die suidweste. Ná 'n kort rukkie deur Switserland (die Clos du Doubs) stroom dit deur Besançon en die land van Montbéliard om uit te mond in die Saône by Verdun-sur-le-Doubs

Die waterstand is baie onreëlmatig omrede die rivier net deur reënval gevoed word. In Neublans-Abergement word gemiddeld minimaal 64,00 m³/s gemeet in Augustus en maksimaal 268 m³/s in Februarie. Daar is 7 damme wat elektrisiteit lewer.

Syrivier	Lengte	Stroomgebied	Oewer
Audeux	24,2 km		links
die ruisseau des Lavaux	12 km (in Frankryk)		regs
die Drugeon	53,5 km	191 km2	links
die Rançonnière	10,3 km (in Frankryk)		regs
die Dessoubre	33,3 km	560 km2	links
die Barbèche	14,1 km		links
die Gland	13,5 km	41 km2	regs
die Allan	59,6 km	1120 km2	regs
die Cusancin	12,6 km	356 km2	links
die Clauge	35.4 km	116 km2	links
die Loue	122,2 km	1760 km2	links
die Orain	39 km	200 km2	links
die Sablonne	27,3 km		regs
die Guyotte	41,1 km	160 km2	links

• 
  Die bron van die Doubs in Mouthe
• 
  La bron van die Doubs
• 
  die Saut du Doubs
• 
  Die kloof van die Doubs
• 
• 
  Die dam van Châtelot op die Frans-Switserse grens
• 
• 
  Di meer van Brenets op die grens met Switserland
• 
  Die kloof van die Doubs tussen la Goule en Goumois gesien vanaf die ruïnes van Spiegelberg (Muriaux, JU)
• 
  Verdun-sur-le-Doubs in die dept. Saône et Loire
• 
  Verdun-sur-le-Doubs -
• 
  Verdun-sur-le-Doubs - waar die Doubs (regs) en die Saône (links) saamkom

Hierdie artikel is (gedeeltelik) vertaal uit die Franse Wikipedia. Sien bron.