Duluth, Minnesota

Duluth is hawestad op die oewer van die Bowemeer in die deelstaat Minnesota waar die St. Louisrivier in die meer uitmond. Die administratiewe setel van St. Louis County is hier geleë.

Duluth
Kaart	Wapen
	Vlag
Land	Verenigde State
Deelstaat	Minnesota
County	St. Louis
Koördinate	46°47′N 92°5′W
Inkorporasie	1857
Oppervlakte:
- Totaal	226,44 vk km
Hoogte bo seevlak	214 m
Bevolking:
- Totaal (2013)	86 128
- Bevolkingsdigtheid	491,3/vk km
Tydsone	CST (UTC -6)
Somertyd	CDT (UTC -5)
Burgemeester	Emily Larson (DFL)
Amptelike Webwerf	duluthmn.gov

Duluth is 'n binnelandse seehawe op die westelikste punt van die Bowemeer, maar het, ofskoon dit 3768 km vanaf die Atlantiese Oseaan geleë is, met die bou van die Amerikaans-Kanadese Sint Laurenswaterweg - 'n kombinasie van natuurlike en mensgemaakte waterroetes wat in die somer van 1954 begin en in 1959 voltooi is - tot een van die vernaamste Atlantiese seehawens in Noord-Amerika ontwikkel van waar graan, ystererts, hout en ander uitvoerprodukte na bestemmings dwarsoor die wêreld verskeep word.

Geskiedenis

North Pier-vuurtoring en invaart tot die Duluth Ship Canal in Februarie 2020

'n Sementvrag- en 'n stoorskip in Duluth-hawe. Tradisioneel word daar 'n onderskeiding gemaak tussen skepe wat vir vervoer op die Groot Mere bestem is (lakers) en oseaanvarende skepe (salties)

Die eerste blankes hier was Radisonn en Groseilliers, twee Franse pelshandelaars wat omstreeks 1660 hier gejag het. In 1679 het die Franse ontdekkingsreisiger Daniel Greysolon Sieur Duluth die Franse vlag hier gehys. Die nedersetting is eers in 1856 uitgelê en in 1870 het dit stadstatus verkry. Die eerste spoorlyn is in 1870 hiernatoe gebou.

Bekende boorlinge

• Bob Dylan, sanger-liedjieskrywer (1941)

Bron

• Collier's Encyclopedia, Crowell-Collier Educational Corporation, Volume 8, Bladsy 417.