Edamkaas
Edam(kaas) of edammerkaas is ’n halfharde kaas wat sy oorsprong in Nederland het; dit is genoem na die stad Edam in die provinsie Noord-Holland.[1] Dit word gewoonlik in ronde bolle verkoop.
| Edam | ||
| ||
| Ander name | Edammerkaas | |
| Oorsprong | Edam,  Nederland
| |
| Melkbron | Koeie, bokke | |
| Eienskappe | ||
| Gepasteuriseer | Ja | |
| Tekstuur | Halfhard | |
| Massa | 800-2 000 g | |
| Vorm | Bol | |
| Veroudering | 4 weke tot 10 maande | |
| Voedingswaarde (per 100 g) | ||
| Vetinhoud | 11 g | |
Edam het ’n vaalgeel binnekant en ’n rooi buiterand van was. Dit verouder goed en raak nie bederf nie; dit word net hard. Daarom was dit tussen die 14de en 18de eeu een van die wêreld se gewildste kase, op see en in afgeleë kolonies.[2][3]
Inhoud
wysigDie meeste edamkase wat in winkels verkoop word, het ’n baie matige smaak, effens sout of neutagtig, en feitlik geen reuk in vergelyking met ander soorte kaas nie.[4] Namate die kaas verouder, raak die geur skerper en word die kaas stywer.[3] Dit het ’n aansienlik laer vetinhoud as die meeste ander tradisionele kase; dit kan so min as 28% vet in droë stof wees. Moderne edam is sagter as ander kase soos cheddar vanweë sy lae vetinhoud. Dit kan egter nie so maklik soos sommige ander kase gerooster word nie.
Verwysings
wysig- ↑ Official Edam-webtuiste Touriste-inligting. Besoek op 11 April 2007
- ↑ Miller, Laurel; Skinner, Thalassa; Tsai, Ming (2012). Cheese For Dummies. Culture Magazine, John Wiley & Sons. pp. 209, 210. ISBN 9781118099391. Besoek op 6 Maart 2013.
- ↑ 3,0 3,1 History of Edam Cheese Edam.com. Besoek op 11 April 2007
- ↑ Jenkins, Steven W. (1996). Cheese Primer. Workman Publishing Company. p. 373. ISBN 0-89480-762-5. Besoek op 25 Mei 2010.
Eksterne skakels
wysig
Wikimedia Commons het meer media in die kategorie Edamkaas.
Hierdie artikel is vertaal uit die Engelse Wikipedia
