Edmond Schietekat

Edmond André Coralie Schietekat (17 Desember 193319 Oktober 1981), skuilnaam Paul Snoek, was 'n Vlaamse digter. Hy was die seun van Omer William Schietekat, 'n tekstielvervaardiger, en Paula Sylvia Snoeck. In 1961 is hy getroud met Maria Magdalena Vereecke (Mylène). Hulle het drie kinders gehad naamlik, 'n tweeling genaamd Jan en Paul in 1963 en in 1966 'n dogter genaamd Sophie. Hy sterf tragies in 'n motorvoertuig ongeluk in Egem.

Edmond Schietekat
Gebore
Edmond André Coralie Schietekat

(1933-12-17)17 Desember 1933
Sterf19 Oktober 1981 (op 47)
Tielt, België
Beroepdigter

Vroeë lewe en opvoedingWysig

Aan die Katolieke skool in Berkenboom word hy as 'n middelmatige student beskou. Tydens sy hoërskooljare woon hy die Sint-Lievenscollege in Antwerpen en die Sint-Jozef Klein Seminarie in Sint-Niklaas by, waar hy Anton van Wilderode as onderwyser gehad het. Reeds as jong seun toon hy belangstelling in die natuur en skilderkuns. Tydens die oorlog verdien sy vader sy brood deur skilderye te maak wat hy aan die plaaslike boere verkoop of vir kos verruil. Hy studeer 'n ruk lank regte en filologie aan die Universiteit van Gent. In 1955 stig hy saam met Hugues C. Pernath die avant-garde tydskrif Gard Sivik.

LoopbaanWysig

Na sy militêre diensplig in Duitsland (1956–1957) besluit hy om voltyds kunstenaar te word, maar tog verander hy vinnig van plan. Hy begin in sy vader se tekstielfabriek werk en besoek verskeie lande as verkoopsman. In 1963 stig hy sy eie invoer- en uitvoeronderneming in Japanse gedrukte sy. In 1967 koop hy 'n plaas in Slijpe en begin in 1972 weer skilder, hierdie keer met meer sukses. Verskeie uitstallings het volg hierop. Sy skilderye het so goed verkoop dat hy deeltyds vir Atlas begin werk het en hom daarna in 1975 ten volle verbind het tot die skilderkuns. Hierna word hy redakteur van die Nieuw Vlaams Tijdschrift. Hy was 'n goeie vriend van Gaston Burssens.

ToekenningsWysig

  • Arkprijs van het Vrije Woord, 1963.
  • Driejaarlijkse Staatsprijs voor de Vlaamse poëzie in 1969 vir De zwarte muze.
  • Jan Campert-prijs, 1971.
  • Eugène Baie-prijs, 1972.

BibliografieWysig

 
Gedig deur Paul Snoek (Schietekat) in Leiden
  • Archipel (poësie, 1954)
  • Noodbrug (poësie, 1955)
  • Tussen vel en vlees (poësie, 1956)
  • Aardrijkskunde (poësie, 1956)
  • Reptielen en amfibieën (prosa, 1957)
  • Ik rook een vredespijp (poësie, 1957)
  • De heilige gedichten (poësie, 1959)
  • Hercules (poësie, 1960)
  • Richelieu (poësie, 1961)
  • Soldatenbrieven (prosa, saam met Hugues C. Pernath)
  • Renaissance (poësie, 1963)
  • Nostradamus (poësie, 1963)
  • Op de grens van land en zee (poësie, 1964)
  • De zwarte muze (poësie, 1967)
  • Gedichten 1954-1968 (poësie, 1969)
  • Gedichten voor Maria Magdalena (poësie, 1971)
  • Gedichten (poësie, 1971)
  • Een hondsdolle tijd (prosa, 1971)
  • Bultaco 250 cc (prosa, 1972)
  • Kwaak- en kruipdieren (prosa, heruitgegee as Reptielen en amfibieën, 1972)
  • Frankenstein, nagelaten gedichten (poësie, 1973)
  • Ik heb vannacht de liefde uitgevonden (poësie, 1973)
  • Welkom in mijn onderwereld (poësie, 1978)
  • Verzamelde gedichten (poësie, 1983)

Sien ookWysig

BronneWysig