Een vir Azazel

Na Etienne Leroux se opspraakwekkende vierde roman, Sewe Dae by die Silbersteins, wat in 1964 met die Hertzogprys vir prosa bekroon is, was Een vir Azazel sy boeiende vervolg daarop. Die boek word uitgegee deur die Human & Rousseau uitgewersmaatskappy.

Verhaal

Een vir Azazel speel soos sy voorganger weer af op die Welgevonden-landgoed van die Silbersteins, maar dit is agtien jaar na die gebeure in die vorige boek.(Sewe Dae by die Silbersteins) Jock Silberstein se plaas is nou geskenk aan 'n Stigting, hoewel die Silbersteins en hul skoonseun, Henry Silberstein-van Eeden, nog daar woon. Salome is oorlede by die geboorte van haar enigste kind, Adam Kadmon Silberstein, 'n reus en 'n idioot.

'n Meisie, Lila, word vermoor, en die hakkelende speurdersersant Demosthenes H. de Goede ondersoek die misdaad, begelei deur dr. Johns.^[1]

Opmerkings

Met hierdie fantastiese gegewe lewer Leroux 'n roman wat in diepsinnigheid en rykdom van intellektuele krag die lesers van sy werk opnuut sal verras en aangryp. Die titel verwys na die Joodse sondeboek. Om bepaalde redes is afgewyk van die spelling Asásel, soos dit voorkom in Levitikus 16.^[1]

Verwysings

↑ ^1,0 ^1,1 Inligting bekom vanuit die stofomslag van die boek "Een vir Azazel", Tweede Druk, Augustus 1964. Human & Rousseau.

[H&R-1] 1,0 ^1,1 Inligting bekom vanuit die stofomslag van die boek "Een vir Azazel", Tweede Druk, Augustus 1964. Human & Rousseau.

[1]