Egeïese beskawings

Egeïese beskawing is ’n algemene term vir die Griekse beskawings van die Bronstydperk om die Egeïese See. Drie afsonderlike maar ooreenstemmende geografiese streke word deur die term gedek: Kreta, die Siklades en die Griekse vasteland. Kreta word van die vroeë Bronstydperk af verbind met die Minoïese beskawing. Die Siklades het in die vroeë Helladiese tydperk vermeng met die vasteland en in die Middel-Minoïese Tydperk met Kreta. Van omstreeks 1450 v.C. (Laat-Helladies, Laat-Minoïes) het die vasteland se Miceense beskawing na Kreta versprei.

Tydperke wysig

Vasteland wysig

Hoofartikel: Miceense Griekeland
  • Vroeg-Helladies (EH): 3200/3100–2050/2000 v.C.
  • Middel-Helladies (MH): 2000/1900–1550 v.C.
  • Laat-Helladies (LH): 1550–1050 v.C.

Kreta wysig

Hoofartikel: Minoïese beskawing
  • Vroeg-Minoïes (EM): 3650–2160 v.C.
  • Middel-Minoïes (MM): 2160–1600 v.C.
  • Laat-Minoïes (LM): 1600–1170 v.C.

Siklades wysig

Hoofartikel: Sikladiese beskawing
  • Vroeg-Sikladies (EC): 3300–2000 v.C.
  • Middel-Sikladies (EH II–EH III): omstreeks 2500–2100 v.C.
  • Laat-Sikladies (loop saam met MM vanaf omstreeks 2000 v.C.)

Handel wysig

’n Mate van handel het in baie vroeë tye plaasgevind, soos blyk uit die verspreiding van obsidiaan uit Milos oor die Egeïese gebied. Kruike uit Kreta is uitgevoer na Milos, Egipte en die Griekse vasteland en ingevoer van Milos af. Ná 1600 v.C. was daar noue handelsbande met Egipte en is Egeïese ware oor die hele kusgebied van die Middellandse See versprei. Geen tekens van betaalmiddels is gevind nie, hoewel byllemme wat ontdek is en te klein was vir praktiese gebruik, dié rol kon vervul het. Dit lyk nie of die Egeïese skrif gebruik is vir korrespondensie met ander streke nie. Skepe word ook nie dikwels genoem nie, hoewel skepe soms uitgebeeld is op potte en ander ware.

Die ontdekking in die 20ste eeu van handelsbote wat gesink het, soos dié aan die kus van Turkye, het baie nuwe inligting oor dié kultuur onthul.

Sien ook wysig

Eksterne skakels wysig