Egil
Ongentheow (Oudengels: Ongenþeow, Ongenþio, Ongendþeow; Sweeds: Angantyr) (oorlede omstreeks 515 n.C.) was in Oudengelse bronne en die Noorse sagas 'n legendariese koning van Swede se Huis van Yngling.
Hy word gewoonlik verbind met die Sweedse koning Egil of Egill Vendilkráka, van wie in Ynglingatal, Historia Norwegiae en die Ynglinga saga vertel word.[1][2][3] Hulle word as dieselfde persoon beskou vanweë 'n reeks ooreenkomste. Egil was die seun van Aun, wat hy opgevolg het.
Volgens Snorri Sturluson was Egil, nes sy pa, nie baie lief vir oorlog nie. Nadat hy die slaaf Tunni vir die tesourie verantwoordelik gemaak het, het Tunni teen Egil gerebelleer. Hulle het agt gevegte geveg, waarna Egil na Denemarke gevlug het, volgens die Ynglinga saga. Snorri skryf dat die Deense koning Egil gehelp het om Tunni te verslaan. Daarna het hy Egil 'n vasal van hom gemaak.
Egil is deur 'n bul doodgemaak tydens 'n offerande in Uppsala. Hy is deur sy seun Ottar opgevolg.
Verwysings
wysig- ↑ Sune Lindqvist, artikel Angantyr in Svenskt biografiskt lexikon
- ↑ Die artikel Beowulf in Åke Ohlmarks se Fornnordiskt lexikon (1994)
- ↑ Bo Gräslund noem Ongentheow "Egil in Beowulf" in sy artikel Gamla Uppsala during the Migration Period in Myth, Might and Man (2000) ISBN 91-7209-190-8
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
| Voorganger ← Aun |
Legendariese Sweedse koning | Opvolger Ottar → |