Emile Beaumont d'Erlanger

Baron Emile Beaumont d'Erlanger (4 Junie 1866-24 Julie 1939) was 'n internasionale bankier. Hy is in 1866 in Parys gebore. Sy vader was baron Frederic Emile d'Erlanger wat hy opvolg as hoof van die bankiersfirma Erlangers van Parys en Londen. In 1880 raak hy geïnteresseerd in die bou van 'n spoorlyn aan die Kaap en besonder Cecil John Rhodes se verlenging van die spoorlyn na Rhodesië. Hy is grootliks verantwoordelik vir die finansiering van die kontrakte van George Pauling. Later help hy ook met die bou van spoorlyne in die Kongo en Angola. Hy is oorlede in 1939.

Bronne

• Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.