Emma van Frankryk

Franse prinses

Emma van Frankryk (sterf in 935)[1] was 'n Franse prinses en vanaf 923 tot haar afsterwe koningin van Wes-Frankië deur haar huwelik met Roedolf van Frankryk. Sy staan ook bekend as Emma Capet, Emma van Boergondië, of Emma van Neustrië.[2] Sy was die dogter van Robert I van Frankryk en óf Aelis van Maine,[3] óf Beatrix van Vermandois. Haar familie staan bekend as die Robertyne of Robertiens.

Uitbeelding van twee konings, Emma se man Roedolf van Frankryk (regs, op die troon) en Karel die Eenvoudige (links, middel)

Omstreeks 921 is sy getroud met Hertog Roedolf van Frankryk.[4] Roedolf is op 13 Julie 923 by Saint-Médard de Soissons gekroon as Koning van Wes-Frankië en gevolglik het sy Koningin van Frankryk geword.

Sy het haar man se reg op die kroon verdedig teen die Karolingiese aanspraakmaker Karel die Eenvoudige en haar swaer Herbert II van Vermandois. Emma het in 931 vir Avalon verower, en in 933 die beleg van Château Thierry teen Herbert II aangevoer met haar man se leër.[2]

Emma was die eerste Frankiese koningin wat gekroon is: sy is in dieselfde jaar as haar man in Reims deur die Biskop van Reims gekroon. Kroniekskrywers het opgemerk dat alhoewel die koronasie in dieselfde jaar plaasgevind het waarin haar man gekroon is, dit tog 'n bietjie later plaasgevind het.

Dit wil voorkom asof Emma geboorte aan slegs 'n seun, genaamd Lodewyk, geskenk het. [5][6] Dit is egter moontlik dat Emma ook 'n dogter genaamd Judith gehad het.[7]

VerwysingsWysig

  1. Pennington, Reina, red. (2003). Amazons to Fighter Pilots: A Biographical Dictionary of Military Women. 2. Westport, CT: Greenwood Press. p. 538. ISBN 0-313-29197-7.
  2. 2,0 2,1 Pennington, Reina, red. (2003). Amazons to Fighter Pilots - A Biographical Dictionary of Military Women. 1. Westport, CT: Greenwood Press. p. 152. ISBN 0-313-32707-6.
  3. Detlev Schwennicke, Europäische Stammtafeln: Stammtafeln zur Geschichte der Europäischen Staaten
  4. France, J., Bulst, N. and Reynolds, P. 1989. Rodulfi Glabri Historiarum Libri Quinque, Rodulfus Glaber Opera (Oxford).
  5. Rodulfo rege… filius eius Ludovicus… ex Emma regina
  6. Abbé E. Bougaud. 1875. Chronique de l'abbaye de Saint-Bénigne de Dijon (Chronicle St-Bénigne de Dijon), str. 126.
  7. RICHARD 890-921, RAOUL 921-936
Koninklike titels
Voorafgegaan deur
Beatrix van Vermandois
Koningin van Wes-Frankië
923-934
Opgevolg deur
Gerberga van Sakse