Erdwurmreaktor

'n Erdwurmreaktor (beter bekend onder die handelsmerk as Can-O-Worms), ook wurmboerdery, wurmplaas of vermikultuur, is 'n houer met komposwurms wat kompos maak van groente-, vrugte-, tuin- en kombuisafval. 'n Heel geskikte (epigeïese) erdwurmsoort daarvoor is die Eisenia fetida. Die gewone erdwurm kan nie vir die doel gebruik word nie. In die houer moet 'n goeie habitat vir die wurms geskep word: vogtig, donker en nie te warm of te koud nie.

Komposwurms sopas by die erdwurmreaktor toegevoeg

Om die gevormde kompos van die wurms te skei kan die grond gesif word, maar dit is beter om met (ten minste) twee geperforeerde houers te werk; in die een houer word vars kombuisafval ingegooi wat na 'n tydjie die wurms deur die groot voedselporsie aantrek; die wurms verlaat die ander houer en daar bly erdwurmmis/vermikompos agter. Ook kompostee word onderin die houer versamel.

'n Erdwurmreaktor is 'n goeie alternatief vir 'n komposhoop as slegs 'n enkele balkon of terras tuis beskikbaar is. Die konsep kom egter nie sonder probleme nie: die proses moet gereeld deur die mens nagegaan en gereguleer word. Die humiditeit, temperatuur, belugting en die pH-vlak moet binne bepaalde grense bly, slegs sekere afval kan toegedien word, ander nie, en die wurms mag nie oorvoer word nie ('n algemene fout).