Erik Björnsson was volgens Noorse sagas die seun van Björn Ysterkant en 'n legendariese Sweedse koning van die Huis van Munsö. Hy sou in die 9de eeu gelewe het. Een van die min Skandinawiese bronne wat bewaar gebly het waarin Sweedse konings van dié tyd behandel word, is Hervarar saga. Dit kom uit die 12de of 13de eeu en word dus nie as 'n betroubare historiese bron van die 9de eeu beskou nie.

Volgens die Hervarar saga was Björn se seuns Erik en Refil. "Laasgenoemde was 'n vegterprins en seekoning. Koning Erik het ná sy vader oor die Sweedse Ryk regeer, maar net kort gelewe. Toe het Erik die seun van Refil die koninkryk se troon bestyg."[1]

Verwysings wysig

  1. "Hervarar saga ok Heiðreks", Guðni Jónsson en Bjarni Vilhjálmsson se weergawe by Norrøne Tekster og Kvad. Engelse vertaling deur N. Kershaw: "The Saga of Hervör and Heithrek" Geargiveer 27 Desember 2006 op Wayback Machine in Stories and Ballads of the Far Past, vertaal uit Noors, Yslands en Faroëes. Cambridge University Press, 1921.

Skakels wysig

Voorganger
Björn Ysterkant
Legendariese Sweedse koning Opvolger
Erik Refilsson